Անգլիական «Մանչեսթեր Յունայթեդի» և Հայաստանի ազգային հավաքականի կիսապաշտպան Հենրիխ Մխիթարյանը այսօր, Երևանի ժամանակով 19:00-ին կլինի ֆեյսբուքի ուղիղ եթերում և կպատասխանի երկրպագուների հարցերին: 

«Ողջույն բոլորին, հետևեք ֆեյսբուքյան իմ էջին, քանի որ  ես կլինեմ ուղիղ եթերում և կպատասխանեմ ձեր հարցերին: Եկեք սկսենք: Պարզապես գրեք մեկնաբանություններ բաժնում և մենք կհանդիպենք այսօր»,- գրել է Մխիթարյանը:

Գրառման հղումը` այստեղ

Опубликовано в Aurora News

Ուկրաինայի Խարկով քաղաքում մեկնարկած բռնցքամարտի Եվրոպայի առաջնությունում Հայաստանը ներկայացնող 69 կգ քաշային Վլադիմիր Մարգարյանն առաջին մենամարտում պարտության է մատնել Շոտլանդիան ներկայացնող Ստեֆեն Նյուվնսիին եւ դուրս եկել 1/8 եզրափակիչ, հաղորդում է ՀԲՖ մամուլի ծառայությունը: 91 կգ քաշային կարգում երիտասարդների աշխարհի առաջնության, Նանջինգի պատանեկան օլիմպիական խաղերի եւ 2017 թվականի Եվրոպայի 18-22 տարեկանների առաջնության բրոնզե մեդալակիր Նարեկ Մանասյանը հաղթել է Թուրքիայի ներկայացուցիչ Ակսին Բուրակին եւ նույնպես դուրս է եկել 1/8 եզրափակիչ: 60 կգ քաշային Կարեն Տոնականյանը հաղթել է թուրք Իբրահիմ Գոգչեկին և դուրս եկել 1/8 եզրափակիչ: Նյութը NEWS.am Sport-ից է:

Опубликовано в Aurora News

Աշխարհի առաջնության Չեռնոգորիա - Հայաստան խաղից հետո միջադեպ է տեղի ունեցել երկու թիմերի երկրպագուների մասնակցությամբ: Հավաքականի երկրպագուների ՖԱՖ-ակումբի պաշտոնական ֆեյսբուքյան էջը տարածել է հաղորդագրություն. «Մոնտենեգրո-Հայաստան խաղից հետո, երբ հյուրերի սեկցիայում գտնվող շուրջ 80 հայ երկրպագուները, անվտանգության կարգադրությունները լսելով 30 րոպե սպասելուց հետո ոտիկանների ուղեկցությամբ հեռանում էին մարզադաշտից, հայ երկրպագուների վրա դրոշներ, պաստառներ զավթելու ակնկալիքով հարձակում գործեց Մոնտենեգրոյի երկրպագուների խուլիգանական խմբավորում։ Արժանանալով դիմադրության ՖԱՖ-ի կողմից, ուլտրասներին ոչինչ զավթել չհաջողվեց։ 2 կողմից եղան բերման ենթարկվածներ եւ հոսպիտալացվածներ։ Ոստիկանությունը կիրառեց անհամաչափ ուժ։ Ուշ գիշեր ոստիկանական բաժանմունքից եւ հիվանդանոցից շարժման անդամների դուրս գրվելուց հետո ՖԱՖ-ը  անձնակազմով վերադարձավ Բուդվա»։ Հիշեցնենք, որ Չեռնոգորիայի հավաքականը հաղթել է 4:1 հաշվով: Նյութը՝ NEWS.am Sport-ից է:

Опубликовано в Aurora News

Թբիլիսիում մեկնարկել է ըմբշամարտի միջազգային մրցաշարը: Ազատ ոճի ըմբշամարտում մրցումային առաջին օրը պայքարի մեջ են մտել 57, 65, 74 և 97 կգ քաշայինները: 65 կգ քաշային կարգում Վալոդյա Ֆրանգուլյանը դարձել է մրցաշարի հաղթող, իսկ Նարեկ Սիրունյանը` բրոնզե մեդալակիր: Ֆրանգուլյանն իր համար անսովոր այս քաշի եզրափակչում առավելության է հասել թուրք մրցակցի նկատմամբ: Վալոդյան սովորաբար հանդես է գալիս 61 կգ քաշային կարգում: Սիրունյանը երրորդ տեղի համար պայքարում տեխնիկական հաղթանակ է տարել, քանի որ նրա մրցակիցը չի ներկայացել, տեղեկացնում է ՀՀ Ազգային օլիմպիական կոմիտեն։ 74 կգ քաշային Գրիգոր Գրիգորյանը դարձել է արծաթե մեդալակիր: 57 կգ Գարիկ Բասեղյանը բրոնզե մեդալ է նվաճել։ Այս քաշային կարգերը ներկայացնող մեր մյուս ըմբիշներին չհաջողվեց մրցանակային տեղեր զբաղեցնել: Հունիսի 11-ին պայքարի մեջ կմտնեն 61, 70, 86 և 125 կգ քաշային կարգերի ազատոճայինները:

Опубликовано в Aurora News

Մարզումների ընթացքում ծնկիս հատվածում փոքր վնասվածք եմ ստացել, ջիլ է կտրվել: Այդ շրջանում ուժգին ցավ ունեի: Այս պահին ամեն ինչ կարգավորվում է, ցավը մեղմացել է: Եթե այսպես շարունակվի, կմասնակցեմ Եվրոպայի առաջնությանը: NEWS.am Sport-ի թղթակցի հետ զրույցում ասել է օլիմպիական չեմպիոն, աշխարհի կրկնակի եւ Եվրոպայի եռակի չեմպիոն Արթուր Ալեքսանյանը: Հունահռոմեական ոճի ըմբշամարտի Հայաստանի հավաքականը պատրաստվում է մայիսի 5-7-ը Սերբիայի Նովի Սադ քաղաքում կայանալիք Եվրոպայի առաջնությանը: Արթուր Ալեքսանյանի մասնակցությունը հարցականի տակ է: Հավաքականի գլխավոր մարզիչ Լեւոն Ջուլֆալակյանը հայտնել էր որ, Արթուր Ալեքսանյանը մարզումների ժամանակ ցավեցրել է ծունկը եւ եթե մինչեւ այդ Ալեքսանյանն ապաքինվի, ապա նա կմեկնի Սերբիա, իսկ եթե վնասվածքը խանգարի նրան, ապա գյումրեցի ըմբիշին 98 կգ քաշային կարգում կփոխարինի Արթուր Շահինյանը:

Опубликовано в Aurora News

Հոլանդիան ներկայացնող հայ մարտիկ՝ Գեղարդ Մուսասին (Մովսեսյան) տեխնիկական նոկաուտով հաղթել է ամերիկացի Քրիս Վայդմանին: ԱՄՆ-ի Բաֆալո քաղաքում տեղի ունեցած UFC 210 խառը մենամարտերի մրցաշարում, միջին քաշային կարգի մենամարտում 31-ամյա հայ մարտիկը 32-ամյա ամերիկացուն պարտության է մատնել արդեն երկրորդ ռաունդում: Քրիս Վայդմանը երրորդ անընդմեջ պարտությունը կրեց: Գեղարդ Մուսասին նախորդ մարտն անցկացրել էր նոյեմբերի 20-ին, երբ նոկաուտով հաղթանակ էր տարել ջամայկացի՝ Յուրայ Հոլի դեմ ռեւանշ մենամարտում:

Опубликовано в Aurora News

Ծանրամարտի Եվրոպայի առաջնությունում՝ Գոռ Մինասյանը և Ռուբեն Ալեքսանյանը ելույթ ունեցան 105+ կգ քաշային կարգում: Մինասյանը պոկում վարժությունում 211 կգ արդյունք է ցույց տվել՝ 6 կգ զիջելով վրացի մրցակցին: Ռուբեն Ալեքսանյանը պոկել է 190 կգ: Հրում վարժությունն այնքան էլ լավ չդասավորվեց Օլիմպիական փոխչեմպիոնի համար: Գոռը նախ գլխավերևում պահեց 235 կգ կշռող ծանրաձողը, սակայն 2 անգամ չկարողացավ բարձրացնել 240 կիլոգրամը: Ռուբեն Ալեքսանյանը հրել է 244 կգ: Երկամարտի հաշվարկում Գոռ Մինասյանը 446 կգ արդյունքով դարձավ արծաթե մեդալակիր, իսկ Ռուբեն Ալեքսանյանը 434 կգ-ով բրոնզե մեդալակիր: 105+ կգ քաշային կարգում չեմպիոն դարձավ Լա Տալախաձեն (երկամարտի արդյունքը՝ 467 կգ):

Опубликовано в Aurora News

Հունահռոմեական ոճի ըմբշամարտի Հայաստանի ազգային հավաքականի անդամ, 75 կգ քաշային ըմբիշ Արսեն Ջուլֆալակյանը Էստոնիայում մասնակցել է օլիմպիական չեմպիոն Քրիստիան Պալուսալուի հուշամրցաշարին: Օլիմպիական արծաթե մեդալակիրն անցկացրել է երեք գոտեմարտ, բոլորն էլ միեւնույն` 8:0 հաշվով ավարտել ժամանակից շուտ եւ նվաճել հուշամրցաշարի հաղթողի կոչումը: Հայաստանի հավաքականի գլխավոր մարզիչ՝ Լեւոն Ջուլֆալակյանը ՀԱՕԿ լրատվականին տեղեկացրել է, որ հուշամրցաշարն անցկացվում էր ըմբշամարտի նոր կանոններով, որոնք ուժի մեջ են մտնելու 2018 թվականի հունվարի 1-ից: Արսեն Ջուլֆալակյանն այսօր վերադառնում է Երեւան: Նա կմիանա ազգային հավաքականին եւ կմեկնի Մինսկ՝ մասնակցելու «Ստայկիում» անցկացվելիք ուսումնամարզական հավաքին:

Опубликовано в Aurora News

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio