Ս.թ. հունիսի 21-ի լույս 22-ի գիշերը ադրբեջանական հատուկ ջոկատայինների կողմից հակամարտ զորքերի շփման գծում ձեռնարկվել է դիվերսիոն ներթափանցման փորձ:

Այս մասին տեղեկացնում է Արցախի հանրապետության Պաշտպանության նախարարությունը:

ՊԲ մարտական հերթապահություն իրականացնող ստորաբաժանումները, շնորհիվ մարտավարական բարձր պատրաստվածության, դիրքային համակարգերի կահավորվածության և տեխնիկական պատշաճ հագեցվածության, ժամանակին հավաստանշել են դիվերսիոն խմբի առաջխաղացումը և հակառակորդին պատճառելով առնվազն 4 զոհ` հետ շպրտել ելման դիրքեր: Ադրբեջանական կողմը հայկական մերձդիրքային հատվածում թողել է հատուկ գրոհայինների անձնական պարագաներ:

Ներթափանցման փորձը կանխելու ընթացքում ՊԲ-ն կորուստներ չի ունեցել: Առաջնագծում օպերատիվ իրադրությունը շարունակում է մնալ արցախյան զինուժի լիակատար վերահսկողության ներքո:

Опубликовано в Aurora News

Ադրբեջանական լրատվամիջոցներով տարածված տեսանյութերում «հայ դիվերսանտ» ներկայացվող անձը զինծառայող չէ․ այս մասին Tert.am-ին հայտնեց ՀՀ ՊՆ մամուլի խոսնակ Արծրուն Հովհաննիսյանը:
«Հայկական զինված ուժերը որևէ դիվերսիա չի իրականացրել և որևէ դիվերսանտի կորուստ չունի: Իսկ այդ թատրոնը, որն Ադրբեջանի կողմից ներկայացվեց, առաջին անգամ չէ, որ իրականացվում է»,- ասաց նա:
Հիշեցնենք, որ ադրբեջանական լրատվամիջոցները տեղեկատվություն էր տարածել այն մասին, որ հունիսի 20-ին հայ-ադրբեջանական շփման գծում Հայաստանի Զինված ուժերի դիվերսիոն մի խմբավորում փորձել է անցնել Ադրբեջանի ԶՈւ պաշտպանական գիծը, «սակայն ժամանակին ձեռնարկված միջոցառումների արդյունքում հայկական կողմը հետ է քաշվել՝ տալով կորուստներ, և հայկական կողմից կա գերի»:
Այնուհետև Ադրբեջանի ՊՆ-ն հոդված և դրան կից տեսանյութ է հրապարակել, որտեղ ներկայացրել է «հունիսի 20-ին ձերբակալված հայ դիվերսանտին», ով ներկայանում է որպես Զավեն Հովհաննեսի Կարապետյան (ծնված 1974 թ.):
Արցախի Հանրապետության պաշտպանության բանակի մամուլի քարտուղար Սենոր Հասրաթյանը, սակայն, Tert.am-ին հայտնել է, որ դա ադրբեջանական հերթական ապատեղեկատվությունն է:

Опубликовано в Aurora News

Ադրբեջանի պաշտպանության նախարարությունը լուսանկար և տեսանյութ է հրապարակել, ոմն մի անձի ներկայացնելով որպես հայկական բանակի զինծառայող, որն իբր «դիվերսիոն հետախուզական խմբի» անդամ է:
Ադրբեջանական ԶԼՄ-ները մեջբերում են նրա արած հայտարարությունը, որն ասել է, թե իր անունը «Զավեն Կարապետյան է, ծնված 1974թ. նոյեմբերի 16-ին Նոյեմբերյանի շրջանի Դովեղ գյուղում, գյուղացի է»:
Այնուհետև ադրբեջանական զինուժի գերության մեջ գտնվող քաղաքացին սկսում է պատմել, իբր մարտական հերթապահություն է իրականացնում, ու եկել էր առաջնագիծ՝ ադրբեջանցիներ սպանելու համար, հայտնում են ադրբեջանական ԶԼՄ-ները
Հունիսի 21-ին ադրբեջանական ԶԼՄ-ները հայտարարեցին, որ հայկական ԶՈւ դիվերսիայի փորձ են կանխել՝ մեկ հոգու գերեվարելով: Հայկական կողմը հերքեց այս լուրը՝ այն որակելով որպես հակառակորդի հերթական ապատեղեկատվություն: Սակայն, միևնույն ժամանակ, սոցիալական ցանցերի ադրբեջանցի օգտատերերից մեկը հաղորդում է սահմանն անցած մոտ 50 տարեկան հայի մասին, որին «զինվորականները եկել տարել են»:

Опубликовано в Aurora News

ՀՀ պաշտպանության նախարարի մամուլի խոսնակ Արծրուն Հովհաննիսյանը հայտնեց, որ այսօր Արցախից Երևան է տեղափոխվել երկու վիրավոր զինծառայող:
«Երկու վիրավորի վիճակն էլ ծանր է, բայց կայուն»,- ասաց Արծրուն Հովհաննիսյանը՝ հավելելով, որ նրանցից մեկը տեղափոխվել է Երևանի Կենտրոնական կլինիկական զինվորական հոսպիտալ, մյուսը՝ «Մալայանի» անվան ակնաբուժական կենտրոն:

Опубликовано в Aurora News

Ադրբեջանական լրատվամիջոցի տարածած տեղեկատվությունը, թե իրենք վերացրել են հայկական կրակային կետ, իրականությանը չի համապատասխանում․այս մասին հայտնեց Արցախի Հանրապետության պաշտպանության բանակի մամուլի քարտուղար Սենոր Հասրաթյանը:

«Սահմանին իրավիճակը հանգիստ է: Կրակային կետ չեն վերացրել, ապատեղեկատվություն է»,- ասաց նա: Նշենք, որ ադրբեջանական լրատվամիջոցներից մեկը, վկայակոչելով Ադրբեջանի պաշտպանության նախարարության մամուլի ծառայությունը, գրել էր, որ ադրբեջանական զինուժը վերացրել է երկարաժամկետ կրակակետ:  Հասրաթյանն ադրբեջանական ապատեղեկատվությանն անդրադարձել է նաև իր ֆեյսբուքյան էջում՝ նշելով.

«Այսօր Ադրբեջանի պաշտպանության նախարարությունը տարածեց հերթական ապատեղեկատվությունը՝ Արցախի բանակին մեղադրելով 82 և 120մմ-ոց ականանետերից հրադադարի ռեժիմը խախտելու մեջ ու նաև «ավելորդ» չհամարեց իր սովորության համաձայն «զգուշացնել», որ շարունակվելու դեպքում ադրբեջանական զինուժը հրետանային զինատեսակներից արկակոծության կենթարկի հայկական կողմի թիկունքային օբյեկտները:

Ի պատասխան Բաքվի ռազմական ագիտպրոպի վայրահաչոցի, տեղեկացնեմ, որ մայիսի 30-ին և լույս 31-ի գիշերն ու այսօրվա ընթացքում հակամարտ զորքերի կողմից ականանետային զինատեսակներից հրադադարի ռեժիմի խախտման դեպք ընդհանրապես չի արձանագրվել:

Իսկ ինչ վերաբերում է շրջանառության մեջ դրված ապատեղեկատվությանը, ապա դա մեկ անգամ ևս փաստում է, որ հարևան երկրի մանրահատակային ուսադիրավոր քարոզիչները կամ անտեղյակ են հակամարտ զորքերի շփման գծում տեղ գտնող իրական զարգացումներից կամ էլ իրենց լսարանին փորձում են հրամցնել սեփական երևակայության անպտուղ «գոհարները»»:
Նյութը՝ Tert.am

Опубликовано в Aurora News

Երեկ կեսօրին Արցախում հակառակորդի կողմից արձակված կրակոցից հրազենային վիրավորում է ստացել ժամկետային զինծառայող Ալիկ Սմբատի Ավանեսյանը: Այս մասին լրագրողների հետ զրույցում ասել է ՀՀ ՊՆ ռազմաբժշկական վարչության պետ, գնդապետ Կամավոր Խաչատրյանը: «Զինծառայողը ստացել է աջ ազդրի ստորին երրորդական միջանցիկ վիրավորում, նա այս պահին գտնվում է Ստեփանակերտի զինվորական հոսպիտալում, բժիշկները նրա վիճակը գնահատում են ծանր»,- մանրամասնել է նա: Կամավոր Խաչատրյանի խոսքով ՝ զինծառայողին այժմ Երևան տեղափոխել հնարավոր չէ:

Опубликовано в Aurora News

Ժամը 13:00-ին «Հաղթանակ» զբոսայգում տեղի կունենա հայրենասիրական երգերի համերգային ծրագիր՝ ՊՆ նվագախմբի, ՀՀ ՊՆ Երևանի կայազորի Սպայի տան «Զորական» ու «Սարդարապատ» համույթների մասնակցությամբ:
Ժամը 22:00-ին Երևանում տեղի կունենա 70 համազարկով տոնական հրավառություն:
ՀՀ ՊՆ-ն տեղակացնում է, որ միջոցառումներ կկազմակերպվեն ՀՀ նաև այլ քաղաքներում:

Опубликовано в Aurora News

Անցած տարվա ապրիլին հակառակորդը որոշելով, որ ի վիճակի է ուժային եղանակով լուծել ղարաբաղյան հիմնախնդիրն իր օգտին դիմեց ռազմական գործողությունների:

Այս մասին այսօր կայացած մամլո ասուլիսին ասել է պաշտպանության նախարար Լևոն Մնացականյանը:
«Հակառակորդը ռազմական գործողություններին ընդգրկեց իր ամբողջ զինանոցը, չնայած տարբեր հայտարարություններով նշվում է, որ լրիվությամբ չի կիրառել, սակայն ես այդ մտքին համակարծիք չեմ:Օգտագործվել են և՛ հատուկ նշանակության զորամասեր, և՛ ստորաբաժանումներ, զանգվածային խոցման միջոցներ, հրետանային, հրթիռային, զանգվածային զրահատանկային ստորաբաժանումներ, արդի տեխնոլոգիաներ ունեցող զինատեսակներ, այդ թվում՝ անօդաչու թռչող սարքեր, խոշոր տրամաչափի միջոցներ՝ արտասահմանյան արտադրությամբ, ոչ ադրբեջանական»,- ասել է Լ. Մնացականյանը և հավելել, որ բոլոր ուղղություններով միաժամանակյա ռազմական գործողությունները մեզ հուշում են, որ եղել է ընդհանուր պլանավորված ծրագրավորված հարձակում:
Պաշտպանության նախարարի խոսքով՝ մեր զորամասերն ու ստորաբաժանումներն ապրիլյան գործողությունների ընթացքում համարժեք պատասխան են տվել և ձախողել են հակառակորդի բոլոր ծրագրերը հյուսիսային, հարավային և կենտրոնական ուղղություններում:
«Ըստ մեր գնահատականների՝ այդ հարձակման ընթացքում հակառակորդը տվել է մինչև 1000 զոհ, մոտ 2000 վիրավոր և ստիպված է եղել մեկ անգամ ևս դիմել Ռուսաստանի Դաշնությանը և իրենց միջնորդությամբ հաստատվել հրադադարի համաձայնագիր»,-մասնավորապես ասել է Լ. Մնացականյանը:  Հիշեցնենք, որ Մայիսի 9-ին Ստեփանակերտում զենքի ցուցադրություն կլինի: Մայիսյան Եռատոնին նվիրված՝ տոնական միջոցառումներն արդեն սկսված են:

Опубликовано в Aurora News

Այսօր տեղի է ունեցել ԱՀ կառավարության աշխատակազմի կողմից հայտարարված «Արցախգազ» ՓԲԸ մասնավորեցման մրցույթը:
Արցախի կառավարությունից հայտնում են, որ մրցույթին մասնակցելու համար սահմանված ժամկետում հանձնաժողով է ներկայացվել մեկ հայտ՝ «Ջի Էմ հոլդինգ» ՍՊԸ կողմից, որն էլ մրցույթի արդյունքում ճանաչվել է հաղթող:
Ընկերության լիազոր ներկայացուցիչ Աշոտ Հովհաննիսյանը հանձնաժողովի անդամներին ներկայացրել է մրցույթի պահանջներին ու պայմաններին համապատասխան առաջարկություններ ու տվյալներ, համաձայն որոնց՝ ընկերությունը պարտավորվում է «Արցախգազ» ընկերությունում 5 տարվա ընթացքում կատարել 1 մլրդ 505 մլն դրամի ներդրում, աշխատավարձի ֆոնդը չկրճատել ու նվազագույն աշխատավարձը հասցնել 75 հազար դրամի, առաջիկա երեք տարվա մեջ սակագները չբարձրացնել եւ այլն:
Մրցույթի ավարտին հանձնաժողովի անդամները շնորհավորել են «Ջի Էմ հոլդինգ» ՍՊԸ ներկայացուցիչներին եւ հաջողություններ մաղթել ընկերությանը՝ հանրապետության համար կարեւոր նշանակության բնագավառներից մեկի զարգացման ապահովման գործում:

Արցախի կառավարությունը վաճառել է «Արցախգազ» ՓԲԸ-ն
Այսօր տեղի է ունեցել ԱՀ կառավարության աշխատակազմի կողմից հայտարարված «Արցախգազ» ՓԲԸ մասնավորեցման մրցույթը:
Արցախի կառավարությունից հայտնում են, որ մրցույթին մասնակցելու համար սահմանված ժամկետում հանձնաժողով է ներկայացվել մեկ հայտ՝ «Ջի Էմ հոլդինգ» ՍՊԸ կողմից, որն էլ մրցույթի արդյունքում ճանաչվել է հաղթող:
Ընկերության լիազոր ներկայացուցիչ Աշոտ Հովհաննիսյանը հանձնաժողովի անդամներին ներկայացրել է մրցույթի պահանջներին ու պայմաններին համապատասխան առաջարկություններ ու տվյալներ, համաձայն որոնց՝ ընկերությունը պարտավորվում է «Արցախգազ» ընկերությունում 5 տարվա ընթացքում կատարել 1 մլրդ 505 մլն դրամի ներդրում, աշխատավարձի ֆոնդը չկրճատել ու նվազագույն աշխատավարձը հասցնել 75 հազար դրամի, առաջիկա երեք տարվա մեջ սակագները չբարձրացնել եւ այլն:
Մրցույթի ավարտին հանձնաժողովի անդամները շնորհավորել են «Ջի Էմ հոլդինգ» ՍՊԸ ներկայացուցիչներին եւ հաջողություններ մաղթել ընկերությանը՝ հանրապետության համար կարեւոր նշանակության բնագավառներից մեկի զարգացման ապահովման գործում:

Նյութը` News.am

Опубликовано в Aurora News

Monte Melkonian Cyber Army - MMCA ֆեյսբուքյան էջից`


Ինչպես
խոստացել էինք. հարձակումները շարունակում ենք...

Կոտրվել է ադրբեջանական ամենամեծ ֆորումներից մեկը՝ forum.azeri.net-ը և կայքի ամբողջ բազան (անուն ազգ., գաղտնաբառեր, էլ-հասցեներ, IP և այլն) հասանելի է բոլորի համար

Կոտրվել են մի շարք ադրբեջանական կայքեր, որոնցում հիմա բոլոր այցելուները տեսնում են մեր հերոս տղաների նկարները:

Հավերժ փառք մեր հերոսներին

Կոտրված կայքերն են
http://donorlar.az/
http://www.zone-h.org/mirror/id/29037832

http://kitgroup.az/
http://www.zone-h.org/mirror/id/29037828

http://layf.az/
http://www.zone-h.org/mirror/id/29037844

http://ipg.kitgroup.az/
http://www.zone-h.org/mirror/id/29037827

http://biznesklub.az/
http://www.zone-h.org/mirror/id/29037833

http://www.improtex.travel/
http://www.zone-h.org/mirror/id/29037843

http://azerbaijanhouse.org/ 
http://www.aljyyosh.org/mirror.php?id=191599

http://www.rspremium.az/
http://www.zone-h.org/mirror/id/29036953

http://www.enss.az/
http://www.zone-h.org/mirror/id/29036898

http://www.verticalgroup.az/
http://www.zone-h.org/mirror/id/29037002

http://ikiulduz.az/index.php?options=content&id=22
http://www.aljyyosh.org/mirror.php?id=191599

Ֆորումի բազան կարող եք ներբեռնել այստեղից՝
https://drive.google.com/file/d/0B0FlJVDk_WSMZVhsa1g2N3lNVlE/view

Опубликовано в Aurora News
Страница 1 из 4

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio