Ստամբուլի ոստիկանությունն արցունքաբեր գազ և ռեզինե փամփուշտներ է կիրառել մայիսմեկյան ցույցի մասնակիցների դեմ: Իշխանությունները ձերբակալել են 207 մարդու: Ցուցարարները վանկարկում էին՝ «Թաքսիմը մերն է, մերն էլ կմնա»: Նրանց մոտից առգրավվել է Մոլոտովի 40 կոկտեյլ, ձեռքի 17 նռնակ:
Թուրքիայում ամեն տարի մայիսի մեկին ակցիաներ են անցկացվում:
Ակնկալվում էր, որ այս տարի ցուցարարների թիվն ավելի քիչ է լինելու, քանի որ իշխանություններն արգելել էին երթ անցկացնել Ստամբուլի Թաքսիմ հրապարակում, որտեղ սովորաբար հակակառավարական ցույցեր են անցկացվում:

Опубликовано в Aurora News

Բրազիլական Սան Պաուլո քաղաքում մի քանի տասնյակ ցուցարարներ, ովքեր իրենց բողոքն էին արտահայտում ընդդեմ աշխատանքային օրենսգրքի բարեփոխումների և կենսաթոշակային տարիքի բարձրացման, թույլ չեն տվել մեքենաներին անցնել։ Տեղի ունեցածի հետևանքով 2 կին է տուժել։ Վարորդը ձերբակալվել է։

Опубликовано в Aurora News

Քյոլնում վնասվածքներ է ստացել 2 ոստիկան: Ինչպես նաև ցուցարարները այրել են ոստիկանական մեկ մեքենա և փակել քաղաքի գլխավոր փողոցները: Հանրահավաքի մասնակիցները բողոքում են "Ալտերնատիվ Գերմանիայի համար" կուսակցության դեմ, որը նախատեսում է մասնակցել երկրում սեպտեմբերին նախատեսվող առաջիկա ընտրություններին: Այս պահին վերոհիշյալ կուսակացությունը նիստ է անցկացնում, նրա 50 հազար կողմնակիցներ սպասում են դրսում: Բոլորին էլ հետևում են 4000 ոստիկաններ:

Опубликовано в Aurora News


Ավարտվել է Կառավարության դիմաց բողոքի ակցիա ացկացնող տոնավաճառների աշխատակիցներից 3-ի հանդիպումը վարչապետ Կարեն Կարապետյանի՝ հարկային խնդիրները համակարգող օգնական Հայկ Զոհրաբյանի հետ: Շուրջ 1,5 ժամ տեւած հանդիպումից հետո հանդիպմանը մասնակցած աշխատակիցներից մեկը հայտնել է, որ իրենց առաջարկել են 10-15 հոգանոց աշխատանքային խումբ կազմել, որի ներկայացրած առաջարկները կներկայացնեն վարչապետ Կարեն Կարապետյանի հետ եւ փորձեն լուծում տալ խնդրին: ՙՄեզ ասացին, որ պետք է օրենքով աշխատենք, այսինքն, ճիշտ ձեւով հարկերը վճարենք, աշխատողներին գրանցենք, ՀԴՄ կտրոնները խփենք անպայման: Ես խնդրեցի, որ հարկային տեսուչներին, որոնք առեւտրի կենտրոնների դարպասների մոտ կանգնում եւ ստուգում են հաճախորդների փաստաթղթերը, գնան էդտեղից, բայց չհամաձայնվեցին, ասացին, որ էդ մարդիկ իրանց գործն են անում: Ես ասել եմ, որ պատրաստ չենք հիմա փաստաթղթով աշխատել,- ասաց նա: Կառավարության դիմաց վաղ առավոտից հավաքված առեւտրականները, սակայն, չեն համաձայնվել աշխատանքային խումբ ստեղծել: Հավաքվածները հայտարարել են, որ չեն գնա ու չեն աշխատի, մինչև իրենց ուզածը չանեն: Ինչևէ, Բողոքի ակցիան ավարտվել է, ցուցարարները որոշել են կրկին հավաքվել ապրիլի 25-ինª վաղ առավոտյան, Կառավարության դիմաց, քանի որ իրենք համաձայն չեն աշխատանքային խումբ ստեղծել: Նշենք, որ Սուրմալու, Փեթակ եւ Առինջ մոլ առեւտրի կենտրոնների աշխատակիցները պատմում են, որ արդեն մի քանի օր հարկային մարմինները ստուգումներ են իրականացնում իրենց տաղավարներում եւ հաճախորդներից պահանջում փաստաթղթեր: Առեւտրականների խոսքով ապրանքների փաստաթղթավորումը լրացուցիչ հոգս է լինելու, քանի որ պետք է նոր աշխատող ընդունեն, որը կկատարի այդ աշխատանքները:

Опубликовано в Aurora News

Կառավարության շենքի դիմաց այս պահին լարված իրավիճակ է։ Հավաքվել են Երևանի տոնավաճառների հարյուրավոր աշխատակիցներ։ Նրանք պահանջում են իրենց հանգիստ թողնել, որպեսզի նախկին ռեժիմով կարողանան աշխատել։ Տոնավաճառի աշխատակիցները նշում են, որ հարկային տեսուչներն ահաբեկում են իրենց, ստիպում են ներկայացնել, թե ինչ են գնել, ինչ են վաճառել՝ վախի մթնոլորտ ստեղծելով տոնավաճառներում, պարտադրելով հաշվապահ ունենալ։ Այս պահին աշխատակիցները պահանջում են վարչապետի հետ հանդիպում և նշում, որ չեն հեռանա, մինչև վարչապետն իրենց չընդունի։ Պետական եկամուտների կոմիտեն օրերս հայտարարություն է տարածել այն մասին, որ բիզնեսի համար հավասար դաշտ ապահովելու նպատակով օրենքը շրջանցողների նկատմամբ հսկողական լայնածավալ գործողություններ է իրականացնելու: Անհրաժեշտ ենք համարում հստակեցնել, որ կոմիտեի աշխատակիցների կողմից իրականացվող ստուգայցերը ոչ թե պատժելու, այլ կանխարգելման նպատակ ունեն և բխում են այն տրամաբանությունից, որի մասին նախապես կոմիտեն հայտարարել էր՝ քննարկելով նաև հասարական կառույցների հետ: Հստակ նկատելի է, որ առաջացած բողոքն ուղղորդված է: Անձնական շահերից ելնելով հրահրվող բողոքի դրսևորումներն ապարդյուն են լինելու. կոմիտեն վճռականորեն գնալու է մինչև վերջ:

 

Աղբյուր՝ a1plus.am

Опубликовано в Aurora News

Վենեսուելայի մայրաքաղաք Կարակասում հակակառավարական ցույցերին 100 հազար մարդ է ներկա եղել: 400-ից ավել մարդ է ձերբակալվել, հայտնում է Reuters գործակալությունը: Ցուցարարները պահանջում են անցկացնել արտահերթ ընտրություններ ու բանտից ազատ արձակել ընդդիմության առաջնորդներին: Մինչդեռ Կարակասում անցկացվել է նաև գործող նախագահ Նիկոլաս Մադուրոյի կողմնակիցների երթը, որոնք ընդդիմադիր ակտիվիստներին մեղադրում են պետական հեղաշրջում կազմակերպելու փորձի մեջ։

Опубликовано в Aurora News

Թուրքիայում կիրակի կայացած հանրաքվեի արդյունքներից դժգոհ հազարավոր քաղաքացիներ դուրս են եկել Ստամբուլի փողոցներ ։ Հաղորդվում է, որ հազար մարդ ցույցի է դուրս եկել Բեշիկթաշ շրջանում, ևս երկու հազարը՝ Կադիկեյում՝ քաղաքի ասիական մասում։ Ցույցերի ընթացքում բախումներ կամ լուրջ միջադեպեր չեն գրանցվել։ Սակայն թուրքական իշխանությունները որոշել են երեք ամսով երկարաձգել է արտակարգ դրության ռեժիմը: Անվտանգության խորհուրդը նշել է, որ դա թույլ կտա ապահովել նախազգուշական միջոցառումների ամբողջականությունը՝ իրավական պետության սկզբունքի պաշտպանության համար։ Արտակարգ դրությունը Թուրքիայում սահմանվել էր 2016 թվականի հուլիսին՝ զինված հեղաշրջման անհաջող փորձից հետո և այդ ժամանակվանից երկարացվել արդեն մի քանի անգամ։

Опубликовано в Aurora News

Քիչ առաջ մեր աղբյուրներից տեղեկություն ստացանք այն մասին, որ անհատ տաքսիստները հավաքվել են Հանրապետության հրապարակում` Կառավարության շենքի դիմաց և կրկին բողոքի ակցիա են իրականացնում: Սակայն, այսօրվա ակցիան արդեն այլ ընթացք է ստացել: Վերջին տեղեկությունների համաձայն` նրանք իրենց ավտոմեքենաներով շղթայել են հրապարակը` փակելով երթևեկը: Իսկ պատճառը ոչ միայն լիցենզիաների հետ կապված տուգանքների չեղարկման ու տաքսի ծառայության ոլորտում հավասար դաշտ ստեղծելու պահանջներն են, այլ նաև ապրիլի 8-ից Երևանի Ագաթանգեղոսի փողոցում և Ագաթանգեղոս-Արշակունյաց-Գր. Լուսավորիչ խաչմերուկում փորձնական կարգով կատարված երթևեկության կազմակերպման փոփոխություններն են, որոնցից ևս տաքսիստները դժգոհում են:

Опубликовано в Aurora News


Կիեւում ադրբեջանականան մի քանի հասարակական կազմակերպություններ Հայաստանի դեսպանատան մոտ հավաք են անցկացրել, հայտարարելով, որ իրենք ետ են բերելու Արցախը, իսկ Ուկրաինան էլ` Ղրիմը: Նրանք փողոցում բղավել են, որ երկու երկրներն էլ ագրեսոր են: Ակցիայի ընթացքում, բնական է, Հայաստանի դեսպանատնից ոչ ոք դուրս չի եկել: Մեր դեսպանատան տարածքը նախապես շրջապատված է եղել իրավապահներով: Ցույցը մեկ ժամ է տեւել:

Опубликовано в Aurora News

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio