Վրաստանի ավտոճանապարհների վարչությունից ստացված տեղեկատվության համաձայն՝ Մցխեթա-Ստեփանծմինդա-Լարս միջազգային նշանակության ավտոմոբիլային ճանապարհի վրա «Վրացական ռազմական ճանապարհ» ՍՊԸ-ն՝ ժայռեր մագլցողների միջոցով իրականացնում է ճանապարհին հարող ժայռոտ լանջերի մաքրում, որի պատճառով անհրաժեշտ է պարբերաբար ժամանակավորապես կանգնեցնել ավտոմեքենաների երթևեկությունը:
Վրաստանում Հայաստանի դեսպանության հաղորդմամբ, մասնավորապես, նախատեսվում է ճանապարհը փակել օրական մի քանի անգամ 2 ժամով հուլիսի 17-ից մինչև հուլիսի 20-ը ներառյալ՝ առավոտյան ժամը 07:00-ից- երեկոյան ժամը 18:00-ը ընկած ժամանակահատվածում:
Նշված ռեժիմով երթևեկությունն իրականացվելու է պարեկային ոստիկանության անմիջական վերահսկողության և համակարգման ներքո:

Опубликовано в Aurora News

Մենք արդեն հայտնել ենք, որ Վրաստանում հայկական վարորդական իրավունքով երթեւեկելու պատճառով տուգանվածների տույժերը չեն չեղարկվել: Վրացական մի լրատվամիջոցի փոխանցմամբ, վարորդները տարակուսանքի մեջ են, ոչ-ոք հստակ պատասխան չունի, ի՞նչ անել, ու՞մ հավատալ: Հուլիսի 5-ին Վրաստանում սկսեցին տուգանել այլ երկրների վարորդական իրավունքով երթեւեկող վարորդներին:
Ջավախքում շատերը հայկական վարորդական իրավունք ունեն, նրանք հայտնվեցին բարդ իրավիճակում: Վարորդները փաստում են, որ Հայաստանից Վրաստան ուղեւորվող մեքենաների վարորդներին չեն տուգանում, առաջին անգամ բավարարվում են միայն զգուշացմամբ: Հայաստանից եկողներին զգուշացնում էին, որ այլեւս չվարեն հայկական վարորդական իրավունքով: Նրանք պիտի գնան Հայաստան, վարորդական իրավունքը թարմացնեն, դարձնեն 2017 թվականի, որ նոր կարողանան հանգիստ վարել: Խնդիրն այն է, որ հուլիսի 1-ից Վրաստանում վարորդական նոր նորմեր են գործում՝ 100 բալանոց համակարգը: Արդունքում, պարեկային ոստիկանության աշխատակիցները սկսել են տուգանել հայկական վարորդական իրավունքով վարորդներին, քանզի 100 բալանոց համակարգով խախտումների դեպքում բալերն են իջեցվում, և ամբողջ թղթաբանությունն արվում է հենց վարորդական վկայականով, իսկ հայկական վարորդական վկայականի դեպքում թղթաբանությունն էլ ավելի է բարդանում: Ի դեպ, Ռադիո Ավրորան կապ հաստատեց Վրաստանի Պարեկային ոստիկանության հետª պարզելու որն է նման իրարանցման պատճառը: Մենք փորձեցինք հասկանալ, թե որքանով է վրացական վարորդական նորմերի փոփոխությունն ազդում, ասենք, Հայաստանից Վրաստան հանգստի նպատակով մեկնողների վրա: Այսպես, մեզ փոխանցեցին, որ այս պահի դրությամբ Հայաստանի վարորդական վկայականներով քաղաքացիները կարող են հանգիստ մուտք գործել Վրաստան, սակայն, ուշադրություն, մինչև այս տարեվերջ: Այսինքն՝ 2018թ-ի հունվարի 1-ից սկսած Վրաստանում հնարավոր կլինի ավտոմեքենա վարել հայկական՝ արդեն նորացված, 2017 թ-ի վարորդական վկայականներով: Իսկ թե ինչով են տարբերվում 2017թ-ի վկայականները, որոնք նման հնարավորություն են ընձեռում, կփորձենք պարզել արդեն վաղը:

Опубликовано в Aurora News

Վրաստանի Մառնեուլի շրջանի դպրոցներից մեկի ուսուցչուհի` Նանա Բակուրաձեին հեռացրել են աշխատանքից, քանի որ նա կասկածի տակ է դրել ադրբեջանական էթնոսի գոյությունը, նշելով, որ ադրբեջանցիները պատկանում են պարսկական էթնոսին: Ուսուցչուհու ասածը դժգոհության ալիք է բարձրացրել ադրբեջանցի աշակերտների շրջանում, ովքեր տեսագրել ու համացանցում են տեղադրել Բակուրաձեի խոսքը: Տեղի ունեցածը քննարկման թեմա է դարձել նաև Վրաստանի ադրբեջանական համայնքի շրջանում, որի ներկայացուցիչները գրավոր բողոք են ներկայացրել երկրի Կրթության նախարարությանը: Նախարարության ու դպրոցի ղեկավարության համատեղ քննարկման արդյունքում որոշվել է աշխատանքից հեռացնել այդ ուսուցչուհուն:

Опубликовано в Aurora News

Վրաստանի Դուշեթի շրջանի Կվեշեթի գյուղի մերձակա մայրուղում Հայաստանի քաղաքացու պատկանող բեռնատար է այրվել: Այս մասին «Նովոստի Գրուզիա»-ին հաղորդել են երկրի ՆԳՆ-ի մամուլի ծառայությունից:
Նախարարության տվյալներով՝ բեռնատարը Ռուսաստանից Հայաստան էր ուղևորվում: Այն դատարկ է եղել: Հրդեհի հետևանքով ոչ ոք չի տուժել:
Շուրջ մեկ ժամ ավտոմայրուղու այս հատվածում տրանսպորտային միջոցների երթևեկությունն ամբողջությամբ փակ է եղել. թեթև մարդատար մեքենաները շրջանցել են ճանապարհահատվածը, իսկ ուղևորատար տրասպորտային միջոցներն և բեռնատարները սպասել են, մինչև հրդեհը մարվի:

Опубликовано в Aurora News

Իրանը Վրաստանին առաջարկել է Պարսից ծոցի և Սև ծովի տարածքով միջանցք կառուցել: Իրանի ԱԳ նախարար Մուհամեդ Զարիֆը Թբիլիսիում մամուլի ասուլիսի ժամանակ ասել է, որ նման տարանցիկ ճանապարհ կառուցելու դեպքում երկու երկների միջև ապրանքաշրջանառության գները կնվազեն: Ընդ որում, այս ճանապարհի կառուցման համար, ըստ իրանցի պաշտոնիայի, իր երկիրը բանակցություններ է վարում Հայաստանի և Ադրբեջանի իշխանությունների հետ:

Опубликовано в Aurora News

Տեղեկությունն այն մասին, որ Ռուսաստանից Հայաստան Վրաստանի տարածքով ռազմական տեխնիկա է տեղափոխվել, չի համապատասխանում իրականությանը։ Այս մասին ասվում է Վրաստանի պաշտպանության նախարարության հայտարարությունում, հաղորդում է «Sputnik-Грузия»-ն։ Չորեքշաբթ օրը Վրաստանի նախկին իշխող «Ազգային միասնական շարժում» կուսակցության առաջնորդներից Նուգզար Ցիկլաուրին հայտարարել է, որ Բոլնիսի շրջանում (Քվեմո Քարթլիի շրջան) նկատել են ռուսական պետհամարանիշներով մի քանի բեռնատար ավտոմեքենաներ։ Ցիկլաուրիի խոսքով՝ ամենայն հավանականությամբ, դա ԲՈՒԿ ինքնագնաց զենիթահրիթռայի համալիր է եղել։ Բեռը Ռուսաստանից Հայաստան է ուղեւորվելիս եղել։ Տարածված տեղեկությունն այն մասին, որ այսօր ռուսական ռազմական տեխնիկան իբր թե Վրաստանով՝ տարանցիկ նշանակությամբ, Հայաստան է ուղեւորվել, չի համապատասխանում իրականությանը։ Դա քաղաքացիական, ոչ թե ռազմական նշանակության տեխնիկա է։ Պաշտպանության նախարարությունը ռազմական արտադրանքի տարանցման թույլլտվություն տալիս է, սակայն այս դեպքում նման թուլյտվություն չի տրվել», - ասվում է հայտարարությունում։ Ընդգծվել է նաեւ, որ արդեն երկար տարիներ ոչ ոք նախարարություն չի դիմել ռազմական տեխնիկայի տարանցման թույլտվության համար՝ ինչպես Հայաստանից, այնպես էլ Ռուսաստանից։

Опубликовано в Aurora News

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio