ԱՄՆ Օկլահոմա նահանգում բեռնատարի հայ վարորդ է ձերբակալվել, ով փորձել է «Թինքեր» ավիաբազա մուտք գործել մարիխուանայով բեռնված մեքենայով: Ինչպես հաղորդում է «Արմենպրես»-ը` վկայակոչելով KFOR հեռուստակայանը, հատուկ հետաքննության բաժինը հաղորդում է ստացել, որ հունիսի 15¬ին ավիաբազայի տարածք բեռնատար է ցանկացել մուտք գործել: Մեքենայի զննության ժամանակ հայտնաբերվել են մարիխուանայի տուփեր: Քննիչների կարծիքով մարիխուանան նախատեսված էր հասցնել Նյու Ջերսի: Բեռնատարի 59¬ամյա վարորդ Աշոտ Գրիգորյանը ձերբակալվել է: Պարզվել է, որ վարորդը փորձաշրջանի մեջ է գտնվել մեկ այլ հանցագործության համար:

Опубликовано в Aurora News

Ճանապարհային ոստիկանությունը տեղեկացնում է, որ տրանսպորտային միջոցների գրանցման և վարորդական վկայականների հատկացման ճանապարհային ոստիկանության էլեկտրոնային ռեգիստրը տեխնիկական անսարքությունների պատճառով 2017 թ. հունիսի 20-ի ժամը 11-ից չի գործում, ինչի հետևանքով ճանապարհային ոստիկանության հաշվառման-քննական ստորաբաժանումները այս պահին չեն կարողանում սպասարկել քաղաքացիներին։
ճանապարհային ոստիկանությունը պատճառված անհարմարությունների համար հայցում է քաղաքացիների ներողամտությունը և հավաստիացնում, որ արվում է հնարավոր ամեն ինչ տեխնիկական խնդիրները արագ լուծելու և աշխատանքները վերսկսելու համար։

Опубликовано в Aurora News

Երևան քաղաքի Իսակովի պողոտա- Ա. Բաբաջանյան փողոց -Գետափնյա փողոց (Արգավանդի խաչմերուկ) խաչմերուկին հարակից ճանապարհահատվածում 2017 թվականի հունիսի 18-ից կկատարվի երթևեկության կազմակերպման փոփոխություն, այս մասին ֆեյսբուքյան իր էջում տեղեկացնում է Ոստիկանության հասարակայնության հետ կապի և լրատվության վարչության պետ Աշոտ Ահարոնյանը:

Նշված խաչմերուկի բենզալցակայանին հարակից մոտ 30 մետր ճանապարհահատվածում երթևեկությունը կկազմակերպվի միակողմանի՝ դեպի նշված խաչմերուկ ուղղությամբ, իսկ հակառակ ուղղությամբ երթևեկող տրանսպորտային միջոցների մուտքը դեպի նշված ճանապարհ իրականացվելու է Իսակովի պողոտայից՝ Իսակովի պողոտա- Ա. Բաբաջանյան փողոց-Գետափնյա փողոց խաչմերուկին հաջորդող առաջին իսկ աջ շրջադարձից:

Опубликовано в Aurora News

ՀՀ տրանսպորտի, կապի և տեղեկատվական տեխնոլոգիաների նախարարությունը սկսել է իրականացնել ՀՀ վարչապետ Կարեն Կարապետյանի հանձնարարականը՝ կապված «Զվարթնոց» օդանավակայանից տաքսի ծառայություններ մատուցողների հետ պրոֆիլակտիկ աշխատանքներ կատարելու հետ։ Օդանավակայանի հարևանությամբ գործող և Օդանավակայանի հարևանությամբ թույլ տված մի շարք անհատ տաքսիստների, ինչպես նաև տաքսի ծառայությունների նկատմամբ կազմվել են արձանագրություններ, ինչի հիման վրա սահմանվել են տուգանքներ։ 

Սկզբում հարցված 7 տաքսիստներից միայն մեկն է ունեցել տաքսի ծառայություն մատուցելու լիցենզիա, վարորդական իրավունք, մեքենայի համապատասխան կահավորում (տաքսու և շախմատաձև տարբերանշաններ) և մեքենան անցած է եղել տեխնիկական զննում։ Մեկ վարորդ էլ չի ունեցել ընդհանրապես ոչ մի փաստաթուղթ՝ մեքենայի տեխզննում, տաքսի վարելու արտոնագիր, վարորդական իրավունքն էլ ընդհանրապես չի ներկայացրել։
Վարորդներից մի քանիսը ՀՀ տրանսպորտային տեսչության աշխատակիցների հարցին, թե որտեղ է իրենց լիցենզիան, պատասխանել են, որ առաջին անգամ են որպես տաքսու վարորդ աշխատում և օդանավակայան գալիս։
Նա երկար փնտրելուց, անգամ իրենց տաքսի սերվիս զանգելուց հետո այդպես էլ չի գտել իր մեքենայի լիցենզիան։ Տեսչության աշխատակիցները պարզել են, որ մեքենայի լիցենզիան կասեցված է պարտքերի պատճառով, և տվյալ փոխադրամիջոցն, օրենքի համաձայն, չի կարելի շահագործել՝ մինչև չմուծվեն պարտքերը։
Նրա գործատու կազմակերպության նկատմամբ արձանագրություն է կազմվել և տուգանք նշանակվել, որի համաձայն, եթե պարզվի, որ վարորդն առաջին անգամ է տուգանվում, ապա կվճարեն 50.000 ՀՀ դրամ, իսկ եթե արդեն երկրորդ անգամ լինի, ապա՝ 100.000 ՀՀ դրամ։
Մեկ այլ վարորդ էլ նշել, որ վարորդական իրավունք ունի, առաջին անգամ է ուղևոր բերում օդանավակայան և եկել է Արմավիրի մարզից։

Опубликовано в Aurora News

Ճանապարհային ոստիկանությունը տեղեկացնում է, որ Երևան քաղաքի Հանրապետության հրապարակի շրջանաձև երթևեկության հատվածում տրանսպորտային միջոցների հապաղումներից և կուտակումներից խուսափելու նպատակով՝ 2017 թ. հունիսի 11-ից Հանրապետության հրապարակում կկատարվի երթևեկության կազմակերպման փոփոխություն:

Համապատասխան ճանապարհային նշաններով և գծանշումներով երթևեկությունը կկազմակերպվի այնպես, որ երթևեկության առավելություն կունենան հրապարակի շրջանաձև երթևեկության հատվածում գտնվող տրանսպորտային միջոցները՝ մերձակա փողոցներից շրջանաձև երթևեկության հատված մուտք գործող տրանսպորտային միջոցները պետք է ճանապարհը զիջեն շրջանաձև երթևեկության հատվածում գտնվող տրանսպորտային միջոցներին:

Опубликовано в Aurora News

Այսօրվանից ուժի մեջ է մտել ռուսական վարորդական իրավունք չունեցող ներգաղթյալ վարորդների համար աշխատանքի արգելքը: Օրենքը պարտավորեցնում է բոլոր օտարերկրացիներին, որոնք վարորդ են աշխատում, ունենալ ռուսական վարորդական իրավունք: Վարորդական իրավունքի բացակայության դեպքում իրավախախտին սպառնում է 50 հազար ռուբլու տուգանք: Ընդ որում՝ իրավախախտն այս դեպքում համարվում է ոչ թե վարորդը, այլ իր գործատուն, ով պարտավոր է վերահսկել սույն արգելքի պահպանումը: Օրենքի նախագծի հեղինակներն այն ընդունելու ժամանակ նշում էին արտերկրում վարորդների գործած ՃՏՊ-ների մեծ քանակությունը և հաճախ նրանց թույլ վարորդական պատրաստվածությունը: Խորհրդարանականների հաշվարկներով՝ այժմ երկրում դեռևս շարունակում է աշխատել մոտ 10 հազար օտարերկրացի վարորդ, որը չունի ռուսական վարորդական իրավունք, ընդ որում՝ նրանց մեծ մասը Մոսկվայի մարզում է: Այսինքն՝ այսօվանից նրանք գործազուրկ կդառնան:

Опубликовано в Aurora News

«Հյուսիս - հարավ ճանապարհային միջանցքի ներդրումային ծրագրի» Տրանշ 1` Երևան-Արտաշատ ճանապարհահատվածի 8 կամուրջներին հարող հատվածներում երթևեկությունն այսօրվանից երկկողմանի բաց է: Մյուս շինարարական աշխատանքները, կամուրջների ասֆալտապատումն ու բարեկարգումը կշարունակվեն արդեն բաց երթևեկության պայմաններում: 2016 թ. սեպտեմբերին մեկնարկած կամուրջների ու ուղեանցերի շինարարության հետեւանքով երթեկությունը տեղ-տեղ միակողմանի փակվել էր և կազմակերպվում էր շրջանցիկ ուղիով: Այսօրվանից վարորդներին պատճառված անհարմարությունները կավարտվեն: Երեւան-Արտաշատ ճանապարհահատված կատարած վերջին այցի ընթացքում ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը հանձնարարել էր, շինարարներն էլ պարտավորվել էին մինչեւ մայիսի 25-ը բացել երկկողմանի երթևեկը:
Վերջին երեք կամուրջների ճանապարհամերձ հատվածներից այսօր հեռացվեցին նախազգուշացնող նշանները, և երկկողմանի երթեկությունը վերականգնվեց:
«Տրանսպորտային ծրագրերի իրականացման կազմակերպություն» ՊՈԱԿ-ի տնօրեն Վարդան Կարապետյանը դիտարկեց նաեւ կատարվող աշխատանքների որակը, գործնական դիտողություններ արեց:
Ճանապարհաշինարարները հավաստիացրին, որ աշխատում են առավելագույն արագությամբ և պայմանագրով նախատեսված ժամկետներում՝ մինչև նոյեմբեր ամիսը, նոր ուղեանցերի կառուցման, գոյություն ունեցող ուղեանցերի վերակառուցման շինարարական աշխատանքներն ամբողջությամբ կավարտվեն։

Опубликовано в Aurora News
Вторник, 16 мая 2017 15:47

Վարորդներ. Ուշադրությու՛ն

Ոստիկանությունը ներկայացրել է տեսանկարահանող սարքերով հագեցած խաչմերուկների և գործող արագաչափերի ցանկերը 2017 թ. մայիսի 16-ի դրությամբ: Երևան քաղաքի խաչմերուկների ցանկը, որտեղ տեղադրված են տեսանկարահանող սարքեր: Գործող արագաչափերի ցանկը՝ փողոցներով: 

Ցանկերի հետ կարող եք ծանոթանալ ասյտեղ՝ police.am

 

Опубликовано в Aurora News

Ճանապարհային ոստիկանությունը տեղեկացնում է, որ Երեւանի Արշակունյաց պողոտայում տրանսպորտային միջոցների կուտակումներից խուսափելու նպատակով 2017թ. մայիսի 8-ից Ագաթանգեղոս-Արշակունյաց-Գր.Լուսավորիչ խաչմերուկում փորձնական կարգով կատարվել է երթևեկության կազմակերպման նոր փոփոխություն:
ՃՈ-ից հայտնում են, որ փոփոխության արդյունքում՝ Արշակունյաց պողոտայի դեպի նշված խաչմերուկ ուղղության երթևեկային մասի մոտ 100 մետր հատվածում կկազմակերպվի ևս մեկ՝ 5-րդ երթևեկելի գոտի և երթևեկությունը կկազմակերպի այնպես, որ 1-ին գոտիով կարելի կլինի երթևեկել միայն դեպի Ագաթանգեղոսի փողոց, 2-րդ գոտիով՝ միաժամանակ դեպի Ագաթանգեղոսի և Գր. Լուսավորիչի փողոցներ, իսկ 3-րդ, 4-րդ ու 5-րդ գոտիներով՝ միայն դեպի Գր. Լուսավորիչի փողոց:

Նյութը՝ News.am

Опубликовано в Aurora News

Ռուսաստանում օրենսդրական հերթական փոփոխությունը լուրջ խնդիրներ է ստեղծել արտագնա աշխատանքի մեկնողների համար: Ժողովուրդ օրաթերթը ռուսաստանաբնակ մեր հայրենակիցներից դժգոհություն ստացավ առ այն, որ երթևեկության կանոնների փոփոխության արդյունքում նրանք, ովքեր ունեն օտարերկրյա վարորդական իրավունք, չեն կարող զբաղվել այնպիսի ձեռնարկատիրական գործունեությամբ, որն ուղղակիորեն կապված է տրանսպորտային միջոց վարելու հետ: Այս փոփոխությունները ուժի մեջ են մտնելու հուլիսի 1-ից, և օտարերկրյա, այդ թվում` ՀՀ վարորդական իրավունք ունեցող անձինք չեն կարող աշխատել որպես վարորդ: Նրանք ստիպված են Ռուսաստանի տարածքում վարորդ աշխատելու համար որակավորում ստանալ` Ռուսաստանի ճանապարհային երթևկության անվտանգության պետական տեսչությունից՝ քննություն հանձնելով:

Опубликовано в Aurora News
Страница 1 из 3

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio