Ռուսաստանում արտասահմանցի վարորդներին վարորդական իրավունք տրամադրելու մասին նոր օրենքի շուրջ քննարկումները շարունակվում են:
Ինչպես հաղորդում է kommersant.ru-ն, արդեն քննարկվում է 2017 թվականի հունիսի 1-ից ուժի մեջ մտած օրենքով հատուկ ստուգումներ անցնելու և աշխատանքի անցնելու համար ռուսական վարորդական իրավունք ստանալու պարտադիր պայմանից Հայաստանի, Մոլդովայի և Ղազախստանի քաղաքացիներին ազատելու մասին հարցը:
Բացի այդ, Եվրասիական տնտեսական հանձնաժողովն արդեն առաջարկել է Ռուսաստանին փոփոխություններ սահմանել առկա օրենքներում` բացառելով օրենքի կիրառումը ԵԱՏՄ անդամ պետությունների (Ղրղըզստան, Մոլդովա, Հայաստան, Ղազախստան, Բելառուս) քաղաքացիների համար:
Հիշեցնենք, որ ՀՀ ԱԺ պատվիրակության ռուսաստանյան պաշտոնական այցի ժամանակ ԱԺ նախագահ Արա Բաբլոյանի կողմից բարձրացվել է Ռուսաստանում ազգային վարորդական իրա¬վունքներով աշխատելու արգելքի մասին խնդիրը, ինչին ի պատասխան ՌԴ պետդումայի խոսնակ Վյաչեսլավ Վոլոդինը առաջարկել է Հայաստանի իշ¬խանություններին պաշտոնական կարգավիճակ տրամադրել ռուսերենին, որպեսզի Ռուսաստանի տարածքում հնարավոր լինի ճանաչել հայկական վարորդական իրավունքները:

Опубликовано в Aurora News

Ռուսաստանում պաշտոնական այցով գտնվող ՀՀ ԱԺ նախագահ Արա Բաբլոյանը հակադարձել է ՌԴ պետդումայի խոսնակ Վյաչեսլավ Վոլոդինի՝Հայաստանում ռուսերեն լեզվին պաշտոնական կարգավիճակ տրամադրելու առաջարկին:
Ազգային ժողովի հասարակայնության և տեղեկատվության միջոցների հետ կապերի վարչության պետ Արսեն Բաբայանը NEWS.am-ին հայտնել է, որ Արա Բաբլոյանը հայտարարել է, որ Հայաստանում ռուսաց լեզվին պետական կարգավիճակ շնորհելու մասին հարց օրակարգում չկա:
«ԱԺ նախագահ Արա Բաբլոյանը տեղում հակադարձեց պնդելով, որ ՀՀ օրակարգում նման հարց չկա ու չի էլ սպասվում։ Հայաստանում բոլոր դպրոցներում սովորում են ռուսերեն, ուստի ռուսերենի իմացությունը ամբողջությամբ բավարար է վարորդության համար»,-ասաց Արսեն Բաբայանը՝ հավելելով, որ կողմերը պայմանավորվել են հարցին անդրադառնալ ապագայում:

Опубликовано в Aurora News

ՌԴ Պետդումայի խոսնակ Վյաչեսլավ Վոլոդինն առաջարկել է Հայաստանի իշխանություններին ամրագրել ռուսերենի պաշտոնական կարգավիճակը ՀՀ օրենսդրության մեջ, որպեսզի հայկական վարորդական իրավունքները կարողանան ճանաչվել նաև ՌԴ տարածքում:

Հունիսի 1-ից ՌԴ-ում ներգաղթյալ վարորդները այլևս չեն կարող որպես վարորդ աշխատել, եթե չունեն ՌԴ վարորդական իրավունք: Իսկ հուլիսի 14-ին ՌԴ Պետական դուման երրորդ ընթեցմամբ ընդունել է օրինագիծ, որով թույլատրվում է Ղրղզստանի քաղաքացիներին որպես վարորդ աշխատել Ռուսաստանում առանց ՌԴ վարորդական իրավունքներ ստանալու:

«Միայն մի բան կարող եմ ասել՝ ամրագրեք ռուսերենը որպես պաշտոնական լեզու և այդ դեպքում օրենքի նորմը ինքնաբերաբար կվերաբերի նաև Հայաստանին»,-ասել է Վոլոիդնը ՀՀ ԱԺ նախագահ Արա Բաբլոյանի հետ հանդիպմանը, հայտնում է ՏԱՍՍ-ը:

ՌԴ-ում Հայաստանում տրված վարորդական իրավունքների ճանաչման հարցը բարձրացրել է Բաբլոյանը: Նա ասել է, որ Պետդումայի կողմից Ղրղզստանի քաղաքացիների համար բացառություն անող օրենքի ընդունումից հետո ՀՀ քաղաքացի վարորդները փաստացի խաղից դուրս են հայտնվել:

«Երբ մենք քննարկում էինք այդ հարցը, մենք շեշտել ենք, որ նորմը գործելու է միայն այն երկրների համար, որտեղ ռուսերենի պաշտոնական կարգավիճակն ամրագրված է սահմանադրության մեջ, ֆիքսված է օրենսդրորեն»,-պարզաբանել է Վոլոդինը:

Հունիսի 1-ից Ռուսաստանում ուժի մեջ մտած Տրանսպորտային միջոցներ վարելու թույլտվության մասին նոր օրենքի հետևանքով ՌԴ-ում աշխատող հայաստանցի վարորդների մեծ մասը կորցրել է աշխատանքը:

Опубликовано в Aurora News

Վրաստանի ավտոճանապարհների վարչությունից ստացված տեղեկատվության համաձայն՝ Մցխեթա-Ստեփանծմինդա-Լարս միջազգային նշանակության ավտոմոբիլային ճանապարհի վրա «Վրացական ռազմական ճանապարհ» ՍՊԸ-ն՝ ժայռեր մագլցողների միջոցով իրականացնում է ճանապարհին հարող ժայռոտ լանջերի մաքրում, որի պատճառով անհրաժեշտ է պարբերաբար ժամանակավորապես կանգնեցնել ավտոմեքենաների երթևեկությունը:
Վրաստանում Հայաստանի դեսպանության հաղորդմամբ, մասնավորապես, նախատեսվում է ճանապարհը փակել օրական մի քանի անգամ 2 ժամով հուլիսի 17-ից մինչև հուլիսի 20-ը ներառյալ՝ առավոտյան ժամը 07:00-ից- երեկոյան ժամը 18:00-ը ընկած ժամանակահատվածում:
Նշված ռեժիմով երթևեկությունն իրականացվելու է պարեկային ոստիկանության անմիջական վերահսկողության և համակարգման ներքո:

Опубликовано в Aurora News

Ռուսաստանի Պետական դուման հուլիսի 14-ին վավերացրեց Հայաստանի հետ զորքերի միավորված խմբավորման մասին համաձայնագիրը: Այս մասին հայտնում են ռուսական լրատվամիջոցները: Համաձայնագիրը ստորագրվել է Մոսկվայում 2016 թվականի նոյեմբերի 30-ին: Համաձայնագիրը եւ դրա հավելվածը որոշում են ՌԴ-ի եւ Հայաստանի զորքերի միավորված խմբավորման նշանակությունը, ձեւավորման, տեղակայման եւ կիրառման կարգը: Այն նախատեսված է Հավաքական անվտանգության կովկասյան տարածաշրջանում ռազմական անվտանգության ապահովման համար: Միավորված խմբավորումը կունենա միացյալ հրամանատարություն, դրա տեղակայման եւ կիրառման մասին որոշումը կայացվում է միասին՝ ՌԴ-ի եւ Հայաստանի զինված ուժերի գերագույն գլխավոր հրամանատարների կողմից: Հիշեցնենք, համաձայնագիրը կնքվել է հինգ տարի ժամկետով՝ հետագա հնգամյա ժամանակահատվածներում դրա ավտոմատ երկարաձգման հնարավորությամբ:

Опубликовано в Aurora News

Ռուսական քարոզչամեքենան սկանդալում է հայտնվել Մեծ 20-յակի գագաթաժողովին արված մի լուսանկարի ֆոտոշոփի պատճառով: Այդ լուսանկարը փոփոխելով՝ նրանք ցանկացել են ցույց տալ Պուտինի հերթական աշխարհաքաղաքական հաղթանակի և մյուս երկրների առաջնորդների նկատմամբ ունեցած նրա ուժեղ ազդեցության մասին: Կեղծված լուսանկարում պատկերված է Պուտինը՝ հպարտ կեցվածքով նստած, իսկ նրա շուրջը հավաքվել և ինչ-որ կարևոր հարց են քննարկում մյուս առաջնորդները: Այնինչ իրականում այն աթոռը, որի վրա «նստած էր» Պուտինը, դատարկ է, իսկ «նրա շուրջ հավաքված» առաջնորդների մի մասը բացակայում է: Հատկանշական է, որ ռուսական տարբեր հարթակներ դեռևս ակտիվորեն տարածում են կեղծ լուսանկարը:

Опубликовано в Aurora News

Ռուսաստանի Չելյաբինսկի շրջանում ողբերգական պատահարի արդյունքում հայեր են զոհվել, որոնց մեջ նաեւ մանկահասակ երեխաներ կան: Սարսափելի պատահարը, որը յոթ կյանք է խլել, տեղի է ունեցել երեկ երեկոյան: Տեղական լրատվամիջոցների հաղորդմամբ՝ տղամարդկանցից մեկը իր եւ 2 եղբայրների երեխաների հետ նավակով շրջելիս է եղել Մաքսիմկա գետի վրայով, նավակն հանկարծակի շրջվել է, երեխաներն ու տղամարդը հայտնվել են նավակի տակ, նրանք օգնություն են կանչել, գոռացել, ափին կանգնած 2 տղամարդիկ՝ մյուս երեխաների հայրերը, նետվել են ջուրը՝օգնություն ցույց տալու, սակայն խեղդվել են իրենք եւս: 2 տղամարդու՝ 40 եւ 45 տարեկան, մարմինները դուրս են բերվել ջրից, ինչպես նաեւ 10 տարեկան մի աղջկա ու 2 տարեկան տղայի: Ավելի ուշ հայտնաբերել են նաեւ 8 ու 15 տարեկան տղաների մարմինները եւ եւս մի տղամարդու դի։ Նավակում գտնվող 9 անձանցից 4-ին է հաջողվել փրկվել։ Չելյաբինսկի փոխնահանգապետ Օլեգ Կիլմովը լրագրողներին հայտնել է, թե տղամարդիկ ափին ալկոհոլ են օգտագործել, ապա ալյումինե նավակով գետն են մտել։ Նշվում է, որ ազգականները ափին նշել են իրենց երեխաներից մեկի՝ 9-րդ դասարանն ավարտելու առիթը։ Պաշտոնական տեղեկատվության համաձայն՝ ջրավազանը նախատեսված չի եղել ոչ լողալու, ոչ էլ նավակով զբոսնելու համար: Դեպքը տեղի է ունեցել ափից մոտ 50-100 մետր հեռավորության վրա։ Նույն աղբյուրի համաձայն՝ զոհված քաղաքացիներից եւ ոչ մեկը չի պահպանել անվտանգության կանոնները, նրանց հագին փրկարարական բաճկոններ չեն եղել։ Ոստիկանությունը դեպքի կապակցությամբ քրգործ է հարուցել: «Մաքսիմկա» ջրավազանի վրա զբոսնողները վանաձորցիներ են, ովքեր Չելյաբինսկում մշտական բնակություն էին հաստատել արդեն մի քանի տարի: Տեղեկությունը NEWS.am-ից է:

Опубликовано в Aurora News

Ռուսաստանն Ադրբեջանին մատակարարել է «Քրիզանթեմ- Ս»(9Ռ157-2) հակատանկային կառավարվող հրթիռների առնվազն 12 համալիր, 15 համակարգ կմատակարարվի մինչև 2018-ի վերջը: Այդ մասին հայտնում է բրիտանական ռազմական IHS Jane's Defense Weekly ամսագիրը:
Ադրբեջանի ՊՆ-ն հունիսի 24-ին հայտնել էր, որ նոր ռուսական ռազմական տեխնիկա է ստացել, սակայն չէր բացահատել, թե ինչ սպառազինության մասին է խոսքը:
Բրիտանական ամսագիրը նշում է, որ «Քրիզանթեմ-Ս» մատակարարվում է Բաքվի և Մոսկվայի միջև 2009-2010-ին ձեռք բերված պայմանավորվածությունների շրջանակում:

Опубликовано в Aurora News

Այսօրվանից ուժի մեջ է մտել ռուսական վարորդական իրավունք չունեցող ներգաղթյալ վարորդների համար աշխատանքի արգելքը: Օրենքը պարտավորեցնում է բոլոր օտարերկրացիներին, որոնք վարորդ են աշխատում, ունենալ ռուսական վարորդական իրավունք: Վարորդական իրավունքի բացակայության դեպքում իրավախախտին սպառնում է 50 հազար ռուբլու տուգանք: Ընդ որում՝ իրավախախտն այս դեպքում համարվում է ոչ թե վարորդը, այլ իր գործատուն, ով պարտավոր է վերահսկել սույն արգելքի պահպանումը: Օրենքի նախագծի հեղինակներն այն ընդունելու ժամանակ նշում էին արտերկրում վարորդների գործած ՃՏՊ-ների մեծ քանակությունը և հաճախ նրանց թույլ վարորդական պատրաստվածությունը: Խորհրդարանականների հաշվարկներով՝ այժմ երկրում դեռևս շարունակում է աշխատել մոտ 10 հազար օտարերկրացի վարորդ, որը չունի ռուսական վարորդական իրավունք, ընդ որում՝ նրանց մեծ մասը Մոսկվայի մարզում է: Այսինքն՝ այսօվանից նրանք գործազուրկ կդառնան:

Опубликовано в Aurora News

Ռուսաստանի կառավարությունը ընդունել է նոր օրինագիծ, որի համաձայն, բոլոր ցանկացողներն, ովքեր ծնվել են ԽՍՀՄ-ում, կարող են Ռուսաստանի քաղաքացիություն ստանալ: Այս մասին հայտնում է Комсомольская правда-ն: Աղբյուրը հայտնում է, որ Պետդումայի ազգությունների հարցերով կոմիտեն հավանություն է տվել նոր օրինագծի, որը պարզեցնում է ռուսական քաղաքացիության ստացումը նախկին ԽՍՀՄ քաղաքացիների համար, հատկապես եթե նրանք խոսում են ռուսերեն: Օրինագիծը մշակվել է ՌԴ նախագահ Վլադիմիր Պուտինի հանձնարարությամբ: Նախատեսվում է, որ Ռուսաստանի քաղաքացիությունը հնարավոր կլինի ստանալ նաեւ այլ երկրի քաղաքացիությունից հրաժարվելու փաստաթղթերը չներկայացնելու դեպքում: Շուտով օրինագիծը կքննարկվի Պետդումայի այլ հանձաժողովներում եւ կներկայացվի քվերակության: Այն ընդունելու հավանականությունը 100 տոկոս է:

Опубликовано в Aurora News
Страница 1 из 4

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio