ՀՀ պաշտպանության նախարարի մամուլի խոսնակ Արծրուն Հովհաննիսյանը հայտնեց, որ այսօր Արցախից Երևան է տեղափոխվել երկու վիրավոր զինծառայող:
«Երկու վիրավորի վիճակն էլ ծանր է, բայց կայուն»,- ասաց Արծրուն Հովհաննիսյանը՝ հավելելով, որ նրանցից մեկը տեղափոխվել է Երևանի Կենտրոնական կլինիկական զինվորական հոսպիտալ, մյուսը՝ «Մալայանի» անվան ակնաբուժական կենտրոն:

Опубликовано в Aurora News

Ռուսական «Ինտերֆաքս» գործակալության հետ հարցազրույցում այս մասին ասել է ՀՀ պաշտպանության նախարար Վիգեն Սարգսյանը: «Մենք հույս ունենք, որ սա շատ լավ հասկանում են նաև Ադրբեջանում: Մենք հույս ունենք, որ Բաքվում որոշումներ կայացնելու պատասխանատվություն ունեցող անձինք գիտակցում են, որ շատ հեշտ է քաոսի և լայնամասշտաբ պատերազմի առջև դռներ բացելը, սակայն դա կանգնեցնելը չափազանց բարդ կլինի: Դա միանշանակ կուժեղացնի տարածաշրջանում ահաբեկչական խմբավորումների դերը, կմեծանա նաև ոչ տարածաշրջանային խաղացողների դերը, որոնք կսկսեն օգտվել այդ ամենից»,- ասել է ՀՀ պաշտպանության նախարարը: Վիգեն Սարգսյանը նշել է, որ այդ ամենից հետո հակամարտության կարգավորումն անհավանական բարդ է լինելու: «Այս իմաստով ես հույս ունեմ, որ հակամարտող երկրների արտաքին գործերի նախարարները կկարողանան գտնել շփման նոր եզրեր` չնայած հնարավորությունների շրջանակը բավականին սահմանափակ է»,- հավելել է նախարարը: Նա նկատել է, որ Լեռնային Ղարաբաղը ոչ թե հակամարտություն է, այլ` թեկուզ չճանաչված, բայց երկիր է: Վիգեն Սարգսյանի գնահատմամբ` քանի դեռ այս փաստը լիարժեք ընկալում չի գտել, հակամարտության կարգավորում չի լինի: «Այնտեղ արդեն քառորդ դար դե ֆակտո անկախության պայմաններում մարդիկ ապրում են: Նրանք պատասխանատու են իրենց ընդունած որոշումների համար, նրանք ժողովրդավարական սկզբունքների հիման վրա ձևավորում են իրենց կառավարությունը, ազատ ընտրությունների արդյունքում տեղի է ունենում խորհրդարանի ձևավորումը»,- ասել է Վիգեն Սարգսյանը:

Опубликовано в Aurora News

Արագած ընկերությունը նախագծել է ու մշակել նոր սարքավորում, որը հնարավորություն կտա հայտնաբերել և խոցել հակառակորդի ռազմական տեխնիկան 3500 մետր, իսկ հակառակորդի մարդկային ուժերը` 5500 մետր հեռավորության վրա: Սարքն ամբողջությամբ մշակվել է և պատրաստվել Հայաստանում, որը 4 անգամ ավելի մատչելի է, քան արտասահմանյան արտադրության նման սարքերն են: Դրա հետ մեկտեղ ստեղծվել է մեկ այլ սարք ևս, որն արդեն կարող է որոշել, զինված է արդյոք հակառակորդը, թե ոչ,-փոխանցում է Ռուսարմինֆոն: Ի դեպ, ՀՀ Պաշտպանության նախարարությունն այդ սարքերի նմուշներն արդեն պատվիրել է:

Опубликовано в Aurora News
Воскресенье, 02 апреля 2017 17:20

ՊՆ-ն պարզաբանում է

Հայաստանի Պաշտպանության նախարարությունը պարզաբանել է «Կոնգրես-ՀԺԿ» դաշինքի տարածած հայտարարության վերաբերյալ, ըստ որի թիվ 14/20 ընտրական տեղամասում զինվորականների ուղղորդված քվեարկություն է տեղի ունեցել: ՊՆ պարզաբանման մեջ ասվում է. Թիվ 14/20 ընտրական տեղամասում նշված դաշինքի ներկայացուցչի արձանագրած «միջադեպը» կապված է եղել ընտրողների ցուցակում քվեարկությանը մասնակցող զինծառայողներից մեկի անվան դիմաց արդեն կատարված գրառման հետ: Նշված դաշինքի ներկայացուցչի կասկածն է հարուցել նաեւ տվյալ զինծառայողի անձը հաստատող փաստաթղթի` զինվորական գրքույկի ճշտությունը: Ընտրական տեղամասի հանձնաժողովի եւ ժամկետային զինծառայողներին ուղեկցող սպայի կողմից կատարվել է ճշտում, եւ զինծառայողին թույլատրվել է մասնակցել քվեարկությանը: Զինծառայողների քվեարկության հետ կապված խնդիրներ առաջանալու դեպքում խնդրում ենք զանգահարել ՀՀ պաշտպանության նախարարության «Թեժ գծի» 1-28 անվճար հեռախոսահամարին»:

Опубликовано в Aurora News

Մեծածավալ քննչական գործողությունների արդյունքում պարզվել են զոհված և հաշմանդամ դարձած ազատամարտիկների ու զինծառայողների ընտանիքների բնակարանային պայմանների բարելավման նպատակով ՊՆ կողմից դրամական միջոցներ հատկացնելու գործընթացում արձանագրված խախտումների դեպքի հանգամանքները, մեխանիզմը: Ձեռք բերված ապացույցների հիման վրա՝ որպես մեղադրյալ է ներգրավվել 3 անձ: Նախնական քննության տվյալներով՝ N զորամասի զինծառայող, ենթասպա Է. Մելքոնյանը և նրա հանգուցյալ եղբոր կինը բնակարան ձեռք բերելու նպատակով որոշել են դիմել՝ այն ստանալու համար։ Քննությամբ պարզվել է, որ կինն իր որդիների հետ բնակվելիս է եղել սեփականության իրավունքով իրենց պատկանող բնակարանում, այսինքն՝ նշված ծրագիրն իրականում նրանց վրա չի տարածվել, այդուհանդերձ, գրավոր դիմում է ներկայացրել առ այն, թե որդիների և սկեսրոջ հետ բնակվում է վարձակալական հիմունքներով, և խաբեության եղանակով ընդգրկվել բնակարանի՝ կարիքավոր ընտանիքների առաջնահերթ ցուցակում։ ՊՆ-ի և այրու միջև կնքվել է պայմանագիր, որի հիման վրա՝ վերջինիս փոխանցվել է 21.115.000 ՀՀ դրամ՝ բնակարան ձեռք բերելու համար։ Քրեական գործի նախաքննությամբ հիմնավորվել է նաև, որ նշված գումարից 2 մլն դրամ որպես կաշառք է տրվել պաշտոնատար անձ հանդիսացող ՊՆ բաժանմունքի պետին՝ նշված անձանց օգտին գործողություններ կատարելու համար։ Է.Մելքոնյանին և նրա հանգուցյալ եղբոր կնոջը մեղադրանք է առաջադրվել։ Բացի այդ, որոշում է կայացվել ՊՆ բաժանմունքի նախկին պետ Կ. Հարությունյանին ներգրավել որպես մեղադրյալ, նրա նկատմամբ խափանման միջոց է ընտրվել կալանավորումը և հայտարարվել հետախուզում: Նախաքննությունը շարունակվում է:

Опубликовано в Aurora News

Այսօր ժամը 12:15-ի սահմաններում, արցախա-ադրբեջանական հակամարտ զորքերի շփման գծի արևելյան հատվածում բանակի հակաօդային պաշտպանության ուժերի կողմից խոցվել է ադրբեջանական զինուժին պատկանող ORBITER տեսակի անօդաչու թռչող սարք: Արցախի ՊՆ հայտնում է, որ ՊԲ ստորաբաժանումները շարունակում են աչալրջորեն վերահսկել Արցախի ցամաքային ու օդային սահմանները և անհրաժեշտության դեպքում ձեռնարկում կանխարգելիչ գործողություններ:

Опубликовано в Aurora News

Մարտի 3-ին և լույս 4-ի գիշերը իրադրությունը արցախա-ադրբեջանական հակամարտ զորքերի շփման գծում հարաբերական հանգիստ է եղել: Հակառակորդը տարբեր տրամաչափի հրաձգային զինատեսակներից հրադադարի պահպանման ռեժիմը խախտել է ավելի քան 40 անգամ, որի ընթացքում, հայ դիրքապահների ուղղությամբ արձակել է  շուրջ 380 կրակոց: Արցախի ՊՆ տեղեկատվության համաձայն, առաջնային գծի արևելյան ուղղությամբ ադրբեջանական զինուժը կիրառել է նաև Դ-44 տիպի հրանոթ և 60 միլիմետրանոց ականանետ՝ արձակելով 9 արկ: ՊԲ առաջապահ զորամասերը շարունակում են լիակատար վերահսկողություն պահպանել առաջնագծում և վստահորեն իրականացնել իրենց առջև դրված մարտական խնդիրը:

Опубликовано в Aurora News

Մարտի 1-ին և լույս 2-ի գիշերը արցախա-ադրբեջանական հակամարտ զորքերի շփման գծում հակառակորդը ականանետերից, նռնականետերից ու տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է ավելի քան 100 անգամ՝ հայ դիրքապահների ուղղությամբ արձակելով շուրջ 1200 կրակոց: Արցախի ՊՆ տեղեկատվության համաձայն, շփման գծի հարավարևելյան, արևելյան և հյուսիսարևելյան ուղղություններում ադրբեջանական զինուժը ‹‹TR-107›› տիպի հրթիռահրետանային կայանքներից, 60 և 82 միլիմետրանոց ականանետերից, ձեռքի  հակատանկային, հակատանկային հաստոցավոր, հաստոցավոր ավտոմատ ու ենթափողային նռնականետերից ընդհանուր առմամբ արձակելով 51 արկ:
ՊԲ առաջապահ զորամասերը շարունակում են վստահորեն իրականացնել  մարտական հերթապահություն՝ անհրաժեշտության դեպքում դիմելով նաև պատասխան գործողությունների:

Опубликовано в Aurora News
Воскресенье, 26 февраля 2017 10:40

Հակառակորդը պիտի որ հետևություն կատարեր

Արցախի ՊԲ մամուլի քարտուղար Սենոր Հասրաթյանի գրառումը. ՚Երեկ գիշերը Ակնայի և Մարտունու ուղղություններում կրած կորուստներից հետո, մանավանդ, որ դրանցից հինգի դիակը դեռևս ընկած են չեզոք գոտում, թվում էր, թե հակառակորդը պիտի որ հետևություն կատարեր և, գոնե, որոշ ժամանակ ձեռնպահ մնար իրադրությունն արհեստականորեն սրելու մտադրությունից: Սակայն՝ ոչ, ադրբեջանական կողմն՝ իր սովորության համաձայն, ոչ միայն հնարածին տեղեկություններով շարունակեց կերակրել սեփական հանրությանը՝ ներկայացնելով, թե իբր փետրվարի 25-ին խոցել են հայկական ԱԹՍ և մեկ երկարաժամկետ կրակակետ (ДОТ), այլև օրվա վերջերին և այս գիշերվա ընթացքում ականանետային և հեռահար հրետանային միջոցներից հարյուրից ավելի անգամ արկակոծության են ենթարկել ՊԲ առաջնագիծն ու մերձակա խորության տարածքները: Այսքանից հետո առողջ տրամաբանությունը հուշում է, որ մենք գործ ունենք ոչ միայն նենգ և իրականության զգացողությունից զուրկ կողմի (դրանում վաղուց ենք համոզվել), այլ նաև սեփական զինվորի դիակի հանդեպ հարգանքը կորցրած թշնամու հետ՚:

Опубликовано в Aurora News

Ադրբեջանական սոցցանցերում հայտնվել է առաջին կորստի մասին լուրը: Մայոր Ագշին Աբդուլլաև, Շաքիի շրջանի Քիշ գյուղից: Տեղեկությունը հայտնում է Շաքիի շրջանի սոցցանցային խմբերից մեկը: Արցախի ՊԲ տարածած հաղորդագրությունից պարզ է դառնում, որ սպանված մայորը բրիգադի հետախուզության պետ էր:
Ասում են, որ նկարը վաղուցվա է, երբ դեռ լեյտենանտ էր: Նկարը հրապարակել է Razm.Info-ն, որի կայքն այս պահին DDoS հարձակման տակ է: Ադմիններն աշխատում են լուծել այդ հարցը։

Опубликовано в Aurora News
Страница 1 из 2

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio