Ոստիկանությունից տեղեկանում ենք, որ ՊԵԿ Աշտարակի տարածքային հարկային տեսչության ընթացիկ հսկողության բաժնի տեսուչ՝ Թաթուլ Գևորգյանը անձնական շահագրգռվածությունից ելնելով՝ առերևույթ չի կատարել ծառայողական պարտականությունները՝ թաքցրել է սպասարկվող տարածքում գործող տնտեսվարողների իրական շրջանառությունը և չի արձանագրել տնտեսվարող սուբյեկտի աշխատողների չգրանցված լինելու փաստը, ինչն առաջացրել է ծանր հետևանքներ: Նախապատրաստված նյութերով հարուցվել է քրեական գործ և գլխավոր դատախազության միջոցով ուղարկվել ՀՔԾ: Գևորգյանը ձերբակալվել է: Կատարվում է նախաքննություն:

Опубликовано в Aurora News

ՀՀ հատուկ քննչական ծառայությունը տեղեկացնում է, որ գյուղատնտեսական տարբեր ապրանքների, այդ թվում` ադրբեջանական ծագման խնձորի ապօրինի ներմուծման և ՀՀ ԿԱ ՊԵԿ աշխատակիցների կողմից կաշառք ստանալու դեպքերի վերաբերյալ քննվող քրեական գործերի շրջանակում ձերբակալվել է ՊԵԿ նախաբացթողումային հսկողության վարչության Բագրատաշենի բաժանմունքի ևս մեկ մաքսային տեսուչ: Վերջինս ձերբակալվել է անհատ ձեռնարկատիրոջից կաշառք ստանալու և նրա օգտին ակնհայտ ապօրինի գործողություններ կատարելու կասկածանքով: Ըստ նախաքննության նյութերի` մաքսային տեսուչը կաշառքի դիմաց հիշյալ անձին թույլ է տվել սահմանված կարգի խախտմամբ միրգ-բանջարեղեն ներկրել հանրապետություն:

Մինչ այդ Հատուկ քննչական ծառայությունն արդեն տեղեկացրել է, որ ՊԵԿ նախաբացթողումային հսկողության վարչության աշխատակիցները որոշ անհատ ձեռնարկատերերի օգտին ապօրինի գործողություններ կատարելու համար խմբի կազմում` նախնական համաձայնությամբ նրանցից կաշառք են ստացել, որի հետևանքով առանց մաքսային ձևակերպումների և անհրաժեշտ լաբորատոր հետազոտությունների Բագրատաշենի մաքսակետով ներկրվել է օրենքով սահմանված թույլատրելի չափաքանակը գերազանցող (50 կգ) տարբեր տեսակի միրգ-բանջարեղեն: Նախաքննությունը շարունակվում է:
Նյութը՝ armlur.am

 

Опубликовано в Aurora News

Կառավարության շենքի դիմաց այս պահին լարված իրավիճակ է։ Հավաքվել են Երևանի տոնավաճառների հարյուրավոր աշխատակիցներ։ Նրանք պահանջում են իրենց հանգիստ թողնել, որպեսզի նախկին ռեժիմով կարողանան աշխատել։ Տոնավաճառի աշխատակիցները նշում են, որ հարկային տեսուչներն ահաբեկում են իրենց, ստիպում են ներկայացնել, թե ինչ են գնել, ինչ են վաճառել՝ վախի մթնոլորտ ստեղծելով տոնավաճառներում, պարտադրելով հաշվապահ ունենալ։ Այս պահին աշխատակիցները պահանջում են վարչապետի հետ հանդիպում և նշում, որ չեն հեռանա, մինչև վարչապետն իրենց չընդունի։ Պետական եկամուտների կոմիտեն օրերս հայտարարություն է տարածել այն մասին, որ բիզնեսի համար հավասար դաշտ ապահովելու նպատակով օրենքը շրջանցողների նկատմամբ հսկողական լայնածավալ գործողություններ է իրականացնելու: Անհրաժեշտ ենք համարում հստակեցնել, որ կոմիտեի աշխատակիցների կողմից իրականացվող ստուգայցերը ոչ թե պատժելու, այլ կանխարգելման նպատակ ունեն և բխում են այն տրամաբանությունից, որի մասին նախապես կոմիտեն հայտարարել էր՝ քննարկելով նաև հասարական կառույցների հետ: Հստակ նկատելի է, որ առաջացած բողոքն ուղղորդված է: Անձնական շահերից ելնելով հրահրվող բողոքի դրսևորումներն ապարդյուն են լինելու. կոմիտեն վճռականորեն գնալու է մինչև վերջ:

 

Աղբյուր՝ a1plus.am

Опубликовано в Aurora News
Пятница, 10 марта 2017 13:35

ՊԵԿ-ի բացահայտումը. 66 մլն դրամ

ՊԵԿ կազմակերպման և հսկողության վարչությունը 2016 թվականին իրականացրել է 96 ստուգում` արդյունքում արձանագրելով 66 մլն դրամից ավելի լրացուցիչ հարկային պարտավորություն: Արձանագրված գումարի զգալի մասն առաջադրվել է 136 չգրանցված վարձու աշխատողների հայտնաբերման արդյունքում: Լրացուցիչ հարկային պարտավորություններ են արձանագրվել նաև հսկիչ-դրամարկղային մեքենաների կիրառման ճշտության ստուգումներով: Նրանց վերաբերյալ տեղեկատվությունը տրամադրվել է համապատասխան հարկային տեսչություններին` սահմանված կարգով հսկողական աշխատանքներ իրականացնելու նպատակով:

Опубликовано в Aurora News

Oրերս որոշ կայքեր անդրադարձել են սահմանային անցակետերում մաքսային ծառայողների կողմից չափից դուրս խիստ հսկողություն իրականացնելու, քաղաքացիների բեռների հետ անզգույշ և կոպիտ վարվելու դեպքերին, ինչի առնչությամբ ՊԵԿ-ը տեղեկացնում է, որ մաքսային համակարգի բարեփոխումների շրջանակներում ՊԵԿ նախագահ Վարդան Հարությունյանի կողմից խիստ հանձնարարական է տրվել սահմանային անցման կետերում մաքսային ծառայողների կողմից քաղաքացիներին որակյալ ծառայություններ մատուցելու վերաբերյալ:
Մասնավորապես, մաքսային ծառայողների ոչ իրավաչափ գործողությունների վերաբերյալ քաղաքացիները կարող են դիմել մաքսային ծառայողի անմիջական վերադասին: Ավելին, ՊԵԿ նախագահի հանձնարարությամբ սահմանային բոլոր անցակետերում փակցվել են համապատասխան հուշաթերթիկներ, որտեղ, մասնավորապես, նշված են պաշտոնատար այն անձանց հեռախոսահամարները, ում կարող են դիմել քաղաքացիները մաքսային ծառայողների ապօրինի գործողությունների, անհարկի խոչընդոտների կամ քաշքշուկների դեպքերում: Ի դեպ, թեժ գիծ կարող եք զանգահարել 0 60 544 444 հեռախոսահամարով:

Опубликовано в Aurora News

Վարչապետ Կարեն Կարապետյանի որոշմամբ կադրային փոփոխությունն տեղի ունենալու: ՊԵԿ նախագահ Հովհաննես Հովսեփյանը հրաժարականի դիմում է ներկայացրել: Նրա փոխարեն այդ պաշտոնում նշանակվելու է «Գազպրոմ Արմենիա» ՓԲԸ Վարչության նախագահ ու գլխավոր տնօրեն Վարդան Հարությունյանը: Նշենք, որ «Գազպրոմ Արմենիա» ընկերությունում այս որոշումը դեռեւս չեն հաստատել:

Опубликовано в Aurora News

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio