Ավրորայի լրատվականը վերջին օրերին բազմաթիվ զանգեր է ստացել ճանապարհային գծանշումների հետ կապված: Մասնավորապես` վարորդները նշում են, որ մի վարչական շրջանում գծանշումներ կան, մյուսում՝ ոչ: Նույն վարչական շրջանում մի փողոցում գծանշումներն արված են ու էլի մի շարք հատվածներ՝ որտեղ կամ գծանշումներն իսպառ չկան, կամ էլ՝ չեղածի հաշիվ են: Ավրորայի լրատվականը լրագրողական «հետաքննություն» անցկացրեց: Եւ այսպես, Ավրորան դիմեց քաղաքապետարան, որտեղից մեզ ասացին, որ երբ 2009թ-ին Երեւանը ստացել է համայնքի կարգավիճակ, քաղաքապետերանն այդ գործառույթն այլեւս չի իրականացնում: Գծանշումները բացառապես վերաբերում են Ճանապարհային Ոստիկանությանը: ՃՈ-ից մեր լրատվականին տեղեկացրեցին, որ այն փողոցներում, որտեղ ճաքալցման, փոսալցման աշխատանքներ են, գծանշումները կարվեն դրանից հետո: Մյուս փողոցներում էլ, որտեղ գծանշումները մաշված են ու չեն երեւում, կթարմացվեն անպայման: Այս եւ ճանապարհային երթեւեկության այլ հարցեր կքննարկվեն չորեքշաբթի օրը՝ հուլիսի 26-ին, ժամը 13-ին, M20 նախագծի ընթացքում, Ռադիո Ավրորայի ուղիղ եթերում:

Опубликовано в Aurora News

Ճանապարհային ոստիկանությունը տեղեկացնում է, որ 2017 թվականի հունիսի 5-ից գործարկվելու է Ճանապարհային ոստիկանության տեսանկարահանող կամ լուսանկարահանող սարքերով արձանագրված իրավախախտումների գործերով կայացված որոշումների վերաբերյալ «TELEGRAM» բջջային հավելվածի միջոցով տեղեկություններ տրամադրելու համակարգը: Համակարգից օգտվելու համար անձը պետք է ներբեռնի «TELEGRAM» բջջային հավելվածը, որում փնտրի և ընտրի «ROADPOLICEbot» ենթահավելվածը: Այնուհետև, անհրաժեշտ է համապատասխան ցանկից ընտրել «գրանցել նոր մեքենա» հրահանգը և մուտքագել տրանսպորտային միջոցի հաշվառման համարանիշը (12YY345 կամ 345YY12 ձևաչափով) և հաշվառման վկայագրի սերիա-համարը (օրինակ՝ LZ999999 ձևաչափով): ՃՈ-ն տեղեկացնում է, որ ներկայումս համակարգը գործում է փորձնական եղանակով:

Опубликовано в Aurora News

“Ճանապարհային ոստիկանությունը բազմիցս զգուշացրել է վարորդներին ձեռնպահ մնալ առանց հատուկ թույլտվության վերասարքավորված խլացուցիչներով, գերհզոր հատուկ ձայնային ազդանշան արձակելու սարքավորումներով, ինչպես և լուսաթափանցելիության չափի խախտումով հողմապակիներով կահավորված ավտոմեքենաներով երթևեկելուց:
Ցավոք, դեռևս կան վարորդներ, որոնք անտեսում են այս պահանջը՝ ոչ միայն անհարմարավետություն ստեղծելով երթևեկության մասնակիցների համար, այլև ուղղակիորեն վտանգելով թե իրենց, թե ուրիշներին:
Կրկին կոչ ենք անում վարորդներին առավելագույն կարճ ժամանակում վերացնել հիշյալ խախտումները՝ ավտոմեքենաները բերելով պատշաճ վիճակի:
Հիշեք, որ բացառությունները միայն օրենքով նախատեսված դեպքերի համար են, իսկ վարորդը մեկն է երթևեկության բոլոր մասնակիցներից՝ անկախ իր սոցիալական վիճակից, դիրքից, պաշտոնից և որևէ առավելություն ու արտոնություն չունի մյուսների նկատմամբ:
Ճանապարհային ոստիկանության օրինական պահանջին չենթարկվող վարորդները կենթարկվեն պատասխանատվության օրենքի ողջ խստությամբ”, – ֆեյսբուքյան իր էջում գրել է ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը:

Опубликовано в Aurora News

Ճանապարհային ոստիկանությունը տեղեկացնում է, որ Երեւանի Արշակունյաց պողոտայում տրանսպորտային միջոցների կուտակումներից խուսափելու նպատակով 2017թ. մայիսի 8-ից Ագաթանգեղոս-Արշակունյաց-Գր.Լուսավորիչ խաչմերուկում փորձնական կարգով կատարվել է երթևեկության կազմակերպման նոր փոփոխություն:
ՃՈ-ից հայտնում են, որ փոփոխության արդյունքում՝ Արշակունյաց պողոտայի դեպի նշված խաչմերուկ ուղղության երթևեկային մասի մոտ 100 մետր հատվածում կկազմակերպվի ևս մեկ՝ 5-րդ երթևեկելի գոտի և երթևեկությունը կկազմակերպի այնպես, որ 1-ին գոտիով կարելի կլինի երթևեկել միայն դեպի Ագաթանգեղոսի փողոց, 2-րդ գոտիով՝ միաժամանակ դեպի Ագաթանգեղոսի և Գր. Լուսավորիչի փողոցներ, իսկ 3-րդ, 4-րդ ու 5-րդ գոտիներով՝ միայն դեպի Գր. Լուսավորիչի փողոց:

Նյութը՝ News.am

Опубликовано в Aurora News

Ճանապարհային ոստիկանությունը տեղեկացնում է, որ Երևան քաղաքի Արշակունյաց պողոտայում տրանսպորտային միջոցների կուտակումներից խուսափելու նպատակով՝ 2017 թ. մայիսի 7-ից Ագաթանգեղոս-Արշակունյաց-Գր. Լուսավորիչ խաչմերուկում փորձնական կարգով կկատարվի երթևեկության կազմակերպման փոփոխություն: Փոփոխության արդյունքում՝ Արշակունյաց պողոտայից Ագաթանգեղոսի փողոց և Գր. Լուսավորիչի փողոցից Արշակունյաց պողոտա տրանսպորտային միջոցների երթևեկությունը կկարգավորվի առանց լուսացույցների լրացուցիչ սեկցիաների՝ լուսացույցների հիմնական կանաչ ազդանշաններով` լրացուցիչ սեկցիաները կապամոնտաժվեն: Միաժամանակ՝ Արշակունյաց պողոտայից Ագաթանգեղոսի փողոց և Գր. Լուսավորիչի փողոցից Արշակունյաց պողոտա տրանսպորտային միջոցների երթևեկությունը կթույլատրվի նաև համապատասխանաբար Արշակունյաց պողոտայի և Գր. Լուսավորիչի փողոցի երթևեկելի 2-րդ գոտիներից ևս:

Опубликовано в Aurora News

Ճանապարհային ոստիկանությունը տեղեկացնում է, որ տրանսպորտային միջոցների և հետիոտների երթևեկության անվտանգության բարելավման նպատակով՝ 2017 թվականի մայիսի 7-ից Երևանի Մանանդյան և Հ. Հովսեփյան փողոցների խաչմերուկում կկատարվի երթևեկության կազմակերպման փոփոխություն: Վերոնշյալ չկարգավորվող խաչմերուկում կտեղակայվի լուսացուցային օբյեկտ և այսուհետ նշված խաչմերուկով տրանսպորտային միջոցների և հետիոտների երթևեկության հերթականությունը կկարգավորվի լուսացույցի ազդանշաններով:

Опубликовано в Aurora News

Ճանապարհային ոստիկանությունը տեղեկացնում է, որ շարունակվում են երթևեկության նկատմամբ վերահսկողության, իրավախախտումների արձանագրման տեսախցիկների և արագաչափ սարքերի տեղադրման աշխատանքները:

Մասնավորապես, 2017 թվականի ապրիլի 25-ից գործարկվելու են Երևան քաղաքի Իսակովի պողոտայում (ԱՄՆ դեսպանատնից դեպի Սեբաստիա փողոց 200 մետր հեռավորության վրա) տեղադրված արագաչափ սարքերը՝ 2 արագաչափ՝ երկու ուղղություններով, որտեղ երթևեկության թույլատրելի արագությունը 80 կմ/ժ է:

Նույն օրվանից գործարկվելու են Երևան քաղաքի Ազատության պողոտա-Նաիրի Զարյան փողոցի խաչմերուկում տեղադրված տեսախցիկները: Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները:

Опубликовано в Aurora News

Ճանապարհային ոստիկանությունը տեղեկացնում է, որ Հայոց մեծ եղեռնի զոհերի հիշատակի օրվա միջոցառումներով պայմանավորված` ապրիլի 23-ին եւ 24-ին Երեւանում կդադարեցվի տրանսպորտային միջոցների երթեւեկությունը հետեւյալ փողոցներում. Ապրիլի 23-ին, ժամը 20-ին, ֆրանսիայի հրապարակից ջահերով երթի մեկնարկի կապակցությամբ` Բաղրամյան պողոտան, Կիեւյան փողոցը եւ Ծիծեռնակաբերդի հուշահամալիրին հարող հատվածները: Ապրիլի 24-ին, առավոտյան ժամը 6.30-ից մինչեւ 23-ը` Լենինգրադյան-Աթենք փողոցների խաչմերուկից` Աթենքի փողոցը մինչեւ Աթենքի փողոց-Իսակովի պողոտա եւ Հրազդանի կիրճից դեպի Իսակովի պողոտա հատվածները:

Опубликовано в Aurora News

Այսօր ժամը 17-ի սահմաններում՝ Ռադիո Ավրորայի թեժ գծին ահազանգ է ստացվել, որ Վազգեն Սարգսյանի անվան ռազմական ուսումնարանի մոտ գտնվող տեսանկարահանող սարքն անկանոն սկսել է նկարել անգամ 30 կիլոմետր ժամ արագությամբ ընթանալու դեպքում: Այստեղ նախատեսված արագությունը 60 կմ/ժ է: Ճանապարհային ոստիկանությունը տեղեկացնում է, որ արագաչափ սարքի լուսարձակի աշխատանքային ռեժիմի խախտման պատճառով լուսանկարահանումներ տեղի չեն ունեցել: Այսօր ժամը 16.55-ից 17.30-ն ընկած ժամանակահատվածում խախտվել է Երևան քաղաքի Դավիթ Բեկի փողոցում (Վազգեն Սարգսյանի անվան ռազմական ակադեմիային հարակից ճանապարհահատված) տեղադրված արագաչափ սարքի լուսարձակի աշխատանքային ռեժիմը, ինչի հետևանքով այն սկսել է անհարկի լուսարձակել: Հայտնում ենք, որ լուսանկարահանումներ տեղի չեն ունեցել և նշված ժամանակահատվածում երթևեկության արագության գերազանցման փաստեր չեն արձանագրվել:

Опубликовано в Aurora News

Ճանապարհային ոստիկանությունը տեղեկացնում է, որ մարտի 30-ից Երևանի Արտաշիսյան և Հ. Հովհաննիսյան փողոցների խաչմերուկում կկատարվի երթևեկության կազմակերպման փոփոխությունՓոփոխության արդյունքում` նշված խաչմերուկում առկա լուսացույցի հետ կտեղադրվի լրացուցիչ սեկցիա, ինչի շնորհիվ Արտաշիսյան փողոցով Շիրակի փողոցի ուղղությամբ երթևեկող տրանսպորտային միջոցները տվյալ խաչմերուկում դեպի աջ՝ դեպի Հ. Հովհաննիսյան փողոց հնարավորություն կունենան երթևեկել անընդհատ՝ առանց լուսացույցի հիմնական կարմիր արգելող ազդանշանին ենթարկվելուԱյդ նպատակով երթևեկելի մասի տվյալ ուղղության երթևեկության 1-ին գոտով կարելի կլինի երթևեկել միայն դեպի աջ՝ դեպի Հ. Հովհաննիսյան փողոց՝ նախկինում ուղիղ կամ դեպի աջի փոխարեն:

ՀՀ Ճանապարհային ոստիկանություն

Опубликовано в Aurora News
Страница 1 из 4

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio