«Իսկանդեր»-ի բարոյական կամ հոգեբանական նշանակություն մասին խոսողները չեն հասկանում, թե ինչ կործանարար ուժ ունի այդ զենքը, այս մասին հայտարարել է ՀՀ նախագահ Սերժ Սարգսյանը:

Հարցին, թե ի՞նչ գործոնների դեպքում եւ ի՞նչ պարագայում Հայաստանը կարող է կիրառել «Իսկանդեր» համակարգերը, նախագահը պատասխանել է՝ անհրաժեշտության դեպքում:
«Դիրքորոշումների մեջ փոփոխություն՝ գոնե հայկական դիրքորոշման մեջ, ես չեմ ենթադրում։ Ինչ վերաբերում է զիջումներին, վերջին 20 տարիների ընթացքում մենք որեւէ կերպ, որեւէ տեղ, որեւէ ձեւով չենք խոսել զիջումների մասին։ Մենք մշտապես խոսել ենք եւ հիմա էլ շարունակում ենք խոսել խնդրի լուծման փոխզիջումային տարբերակի մասին։ Սրանք տարբեր բաներ են։ Եվ ես վստահ եմ, որ եթե այս խնդիրը եթե 20 տարի էլ լուծում չստանա, ապա հայկական կողմի մոտ երբեք չի լինի ցանկություն զիջումների միջոցով գնալ իրավիճակի թեթեւացման։ Որովհետեւ սա կործանարար ճանապարհ է եւ սա երբեք խնդիրները չի կարող լուծել»,- ասել է նախագահը:
Սերժ Սարգսյանն արձագանքելով նախագահի լիազորություններն ավարտվելուց հետո իր՝ վարչապետ դառնալու հնարավորության մասին հարցին, պատասխանել է. «Ես բազմաթիվ անգամ անկեղծորեն ասել եմ՝ ես երբեք չեմ մտածել, թե որն է լինելու իմ հաջորդ գործունեության ոլորտը: Նույն կերպ հիմա եմ շարունակում մտածել: Դեռեւս հսկայական ժամանակ կա: Իսկ ի՞նչ էական է դա: Էական չի, չէ՞»:
Նախագահը հիշեցրել է, որ խորհրդարանական կառավարման պայմաններում վարչապետին առաջադրելու է Ազգային ժողովում մեծամասնություն կազմած քաղաքական ուժը,- «Արմենիա» հեռուստաընկերության «Ռ-էվոլյուցիա» հաղորդաշարին տված հարցազրույցում այս մասին հայտարարել է ՀՀ նախագահ Սերժ Սարգսյանը:

Опубликовано в Aurora News

Այսօր Կառավարություն այցելած Սերժ Սարգսյանը հայտարարեց, որ Կարեն Կարապետյանը և նրա թիմը վայելում են իր և ՀՀԿ-ի լիակատար վստահությունը: Սերժ Սարգսյանը, սակայն, կառավարությունից հեռանալիս կանգ չառավ և չպատասխանեց տևական ժամանակ իրեն սպասող լրագրողների հարցերին: Միայն արձագանքելով հնչած հարցին, թե՝ դո՞ւք եք լինելու 2018-ին ՀՀ վարչապետը, ասաց. «Չէի՞ք լսում, վերևում ասում էի»:
Նյութը՝ armlur.am

Опубликовано в Aurora News

ՀՀ Նախագահ Սերժ Սարգսյանը հերքում է մամուլում շրջանառվող այն տեղեկությունը, թե իր և վարչապետ Կարեն Կարապետյանի միջև հարաբերությունները լարված են

Տավուշի մարզ կատարած աշխատանքային այցի ընթացքում Կողբի զորամասում կայացած խորհրդակցությունից հետո լրագրողների հետ ճեպազրույցում Նախագահը հայտարարեց, որ ՀՀ վարչապետ Կարեն Կարապետյանը հրաժարական տալու որևէ պատճառ չունի:

«Իսկ պարբերաբար հրապարակվող լուրերը իբր գոյություն ունեցող հակասությունների, հակամարտության մասին՝ մտացածին են: Մենք շատ լավ հասկանում ենք և՛ կուսակցության, և՛ իշխանության մակարդակում, թե ովքեր են այդ բեմադրության հեղինակները, ինչպիսին են նրանց ցանկությունները։ Բայց կարծում եմ, որ դա իրավիճակի վրա որևէ ազդեցություն ունենալ չի կարող»,-ասաց նա:

Նախագահը նշեց, թե երկրում և, մասնավորապես, Հայաստանի Հանրապետական կուսակցությունում առողջ աշխատանքային մթնոլորտ է:

Опубликовано в Aurora News

ՀՀ նախագահ Սերժ Սարգսյանը այսօր ստորագրել է Վարչական իրավախախտումների վերաբերյալ ՀՀ օրենքում փոփոխություններ կատարելու օրենքը:

Հոդված 305. Տուգանք նշանակելու մասին որոշումը կատարելու ժամկետներն ու կարգը

Խախտողի կողմից տուգանքը պետք է վճարվի տուգանք նշանակելու մասին որոշումը նրան հանձնելու օրվանից ոչ ուշ, քան տասնհինգ օրվա ընթացքում, իսկ այդ որոշումը գանգատարկելու կամ բողոքարկելու դեպքում` գանգատը կամ բողոքը առանց բավարարման թողնելու մասին ծանուցման օրվանից ոչ ուշ, քան տասնհինգ օրվա ընթացքում:

Եթե սույն օրենսգրքի 224-րդ հոդվածի երկրորդ մասի 2-րդ կետով նախատեսված հոդվածներով սահմանված տուգանքը նշանակելու մասին որոշումը իրավախախտում կատարած անձին հանձնելու oրվանից հետո՝ երեսնօրյա ժամկետում, անձը դիմում է ոստիկանություն տուգանքի վճարումը տարաժամկետելու խնդրանքով, ապա վճարումը համարվում է տարաժամկետված դիմումի մեջ նշված ժամկետով, բայց ոչ ավելի, քան 6 ամիս:

(մասն ուժը կորցրել է 01.03.17 ՀՕ-50-Ն)

(մասն ուժը կորցրել է 01.03.17 ՀՕ-50-Ն)

Եթե մանր խուլիգանություն կատարած տասնվեցից մինչև տասնութ տարեկան անձինք ինքնուրույն վաստակ չունեն, տուգանքը գանձվում է ծնողներից կամ նրանց փոխարինող անձանցից:

Վարչական իրավախախտում կատարելու համար նշանակված տուգանքը խախտողի կողմից մուծվում է կենտրոնական գանձապետարանի համապատասխան հաշվին:

Ճանապարհային երթևեկության կանոնների խախտման համար նշանակված տուգանքը խախտողը մուծում է կենտրոնական գանձապետարան, բացառությամբ իրավախախտման կատարման տեղում գանձվող տուգանքի:

Համայնքի ղեկավարների նշանակած տուգանքը մուտքագրվում է համապատասխան համայնքի բյուջե, իսկ տեղական ինքնակառավարման մարմինների պաշտոնատար անձանց թույլ տված իրավախախտումների համար նշանակված տուգանքը մուտքագրվում է պետական բյուջե:

Եթե կատարողական վարույթն ավարտվում է «Դատական ակտերի հարկադիր կատարման մասին» Հայաստանի Հանրապետության օրենքի 41-րդ հոդվածի 1-ին մասի 3-րդ կամ 4-րդ կետերով նախատեսված հիմքերով, և հարկադիր կատարման ներկայացված՝ սույն օրենսգրքի 224-րդ հոդվածի 2-րդ մասի 2-րդ կետով նախատեսված հոդվածներով սահմանված իրավախախտումների գործերով կայացված որոշումների հիման վրա չկատարված դրամական պարտավորությունների (մեկից ավելի վարչական ակտերի դեպքում՝ դրանց հանրագումարի) չափը գերազանցում է սահմանված նվազագույն աշխատավարձի հինգհարյուրապատիկը, ապա անձը զրկվում է տրանսպորտային միջոցներ վարելու իրավունքից վեց ամիս ժամկետով, բացառությամբ այն դեպքերի, երբ մինչև տրանսպորտային միջոցներ վարելու իրավունքից զրկելու մասին որոշման կայացումը կատարում է դրամական պարտավորությունները (այդ թվում՝ սահմանված նվազագույն աշխատավարձի հինգհարյուրապատիկը գերազանցող մասով):

Սույն հոդվածի 9-րդ մասով նախատեսված դեպքում գործի քննությունն իրականացվում է սույն օրենսգրքով սահմանված կարգով՝ 224-րդ հոդվածի 2-րդ մասի 2-րդ կետով նախատեսված՝ գործը քննելու և վարչական տույժ նշանակելու իրավունք ունեցող պաշտոնատար անձի կողմից: Այդ դեպքում կայացվում է առանձին որոշում, որը հանձնվում է հասցեատիրոջը առձեռն կամ պատվիրված փոստով` ստանալու մասին ծանուցմամբ:

Սույն օրենսգրքի 150.3-րդ հոդվածով գանձվող տուգանքները փոխանցվում են Հայաստանի Հանրապետության միջպետական և հանրապետական նշանակության ավտոճանապարհներին արձանագրված խախտումների համար՝ Հայաստանի Հանրապետության կենտրոնական գանձապետարան, իսկ մարզային ավտոճանապարհներին արձանագրված խախտումների համար՝ համապատասխան համայնքի բյուջե:

Опубликовано в Aurora News

25 տարի առաջ, այս օրը, հայ-ռուսական հարաբերություններում որակապես նոր փուլ բացվեց: Այսօր ՀՀ և ՌԴ միջև դիվանագիտական հարաբերությունների հաստատման 25-ամյակի կապակցությամբ՝ Հայաստանի Հանրապետության նախագահ՝ Սերժ Սարգսյանը և Ռուսաստանի Դաշնության նախագահ՝ Վլադիմիր Պուտինը շնորհավորական ուղերձներ են փոխանակել:

Опубликовано в Aurora News

ՀՀ նախագահ Սերժ Սարգսյանն այսօր՝ ապրիլի 2-ին, ԱԺ ընտրություններում իր քաղաքացիական պարտքը կատարելուց հետո պաշտպանության նախարար Վիգեն Սարգսյանի հետ այցելել է «Եռաբլուր» պանթեոն:

Նրանք ծաղիկներ են դրել եւ գլուխ խոնարհել ապրիլյան պատերազմում զոհված զինծառայողների շիրիմներին:

Նախագահն ու պաշտպանության նախարարը նաեւ ծաղիկներ են դրել զորավար Անդրանիկի եւ սպարապետ Վազգեն Սարգսյանի շիրիմներին:

Опубликовано в Aurora News

Նույնականացման սարքը չի ընդունել Սերժ Սարգսյանի մատը

Տեսանյութը՝ 1in.am –ի

Опубликовано в Aurora News

ՀՀ նախագահ Սերժ Սարգսյանը ապրիլի 2-ին խորհրդարանական ընտրության քվեարկությանը եկել էր տիկնոջ՝ Ռիտա Սարգսյանի հետ: Սուրեն Սպանդարյանի անվան թիվ 24 հիմնական դպրոցում տեղակայված 9/18 ընտրատեղամասում Նախագահն ու Առաջին տիկինը կատարեցին իրենց քաղաքացիական պարտքը: Նախագահ Սարգսյանը լրագրողների հետ ճեպազրույցում ասաց, որ քվեաթերթիկը քվեատուփի մեջ գցելիս մտածել է, որ խաղաղությունից թանկ բան չկա. «Ամեն ինչ անելու ենք, որ մեր սահմաններին հանդարտություն լինի և սահմանները լինեն անձեռնմխելի»: Նախագահը ի պատասխան շանսերը գնահատելու մասին հարցին նշեց, որ շանսեր գնահատելու ժամանակը չէ, քվեներ ստանալու ժամանակն է:

Опубликовано в Aurora News

ՀՀ նախագահ Սերժ Սարգսյանը Դիվանագետի օրվա կապակցությամբ այցելել է Արտաքին գործերի նախարարություն և հանդիպում է ունեցել ԱԳՆ կենտրոնական ապարատի, դիվանագիտական ներկայացուցչությունների և հյուպատոսական հիմնարկների ղեկավարների հավաքի մասնակիցների հետ: Նախագահը իր ելույթում անդրադարձել է նաև արցախյան հիմնախնդրին հատկապես Ադրբեջանի ապակառուցողական քաղաքականությանը, տարածաշրջանում լարվածության ստեղծման քայլերին հակազդելուն: Մասնավորապես ասել է. ՙԵրևանը և Ստեփանակերտը պատերազմ չեն ցանկանում, մինչդեռ Բաքուն վաղուց ամենաբարձր մակարդակում անընդհատ խոսում է պատերազմի մասին, մեծացնում է լարվածությունը շփման գծում, հերոսացնում է այն զինվորներին, որոնց գործած, այսպես ասած, «սխրանքներըհամարվում են պատերազմի հանցագործություն: Եթե Ադրբեջանը շարունակի նույն ոգով և իրավիճակը հասցնի պատերազմականի, ապա Արցախի ժողովրդի անվտանգությունն ապահովելու համար մենք մեկ վայրկյան անգամ կանգ չենք առնի կիրառելու մեր զինանոցում եղած բոլոր հնարավորությունները։ Այսօր տարածաշրջանում լայնածավալ պատերազմի զսպող գլխավոր գործոնը հայ զինվորն է, ով ամուր կանգնած է և հստակ գիտակցում է, թե ինչի համար է պայքարում և ինչ խնդիր է լուծում՚:

Опубликовано в Aurora News

Օրեր շարունակ բազմաթիվ արվեստագետների և հասարակ քաղաքացիների կողմից քննադատություններ հնչեցին Հանրային հեռուստաընկերությամբ մեկնարկող նոր ծրագրի մասին: Խնդիրը ռաբիզ երաժշտությունը բերելն էր, այն էլ հանրայինի եթեր: Այդ հանգամանքը չվրիպեց նաև նախագահի աչքից, ով այցելելով Հանրային հեռուստաընկերություն, անդրադարձ է կատարել հաղորդմանը:

Опубликовано в Aurora News

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio