Օրեր առաջ տեղեկացրել էինք, որ Սանահինի վանական համալիրում վանդալիզմի դեպք է արձանագրվել: Այս մասին իր ֆեյսբուքյան էջում ահազանգել էր օգտատեր-լրագրող Նվարդ Մանվելյանը: Գրառման մեջ մասնավորապես ասված էր. "Երեկ Սանահինում էի... Այն, ինչին ես ականատես եղա վանական համալիրին հարող տարածքում և ողջ կառույցում, ինձ, մեղմ ասած, շոկի ենթարկեց: Պարզվում է՝ վանական համալիրին հարող տարածքում, Զաքարյան իշխանների դամբարանի հենց հարևանությամբ բառացիորեն օրեր առաջ երկու պատմական տապանաքարեր տեղահանել և մի կողմ են շպրտվել, տեղում նոր գերեզմաններ են հայտնվել":
Ըստ վանական համալիրի հոգևորական Հայր Ավետիք Սողոմոնյանի հայտնած տեղեկությունների՝ հուղարկավորությունը կազմակերպել է Սանահին գյուղի բնակիչ Գագիկ Վերանյանը, ով տեղափոխել է հին տապանաքարերը և տեղում թաղել իր հորը՝ Վանեչկա Վերանյանին: Հոգևոր հոր խոսքով՝ հին գերեզմանատան փոփոխությունները նա հայտնաբերել է հուլիսի 2-ին, երբ արդեն նոր տապանաքարերը տեղադրված էին: Նա կատարվածի մասին արագ հայտնել է Գուգարքի թեմի առաջնորդին: Նշվում է, որ տեղի ունեցածի կապակցությամբ հարուցվել է քրեական գործ: Կատարվածը վրդովվեցրել է նաև Մշակույթի նախարար Արմեն Ամիրյանին, ով նշել է, որ տեղի ունեցածը վանդալիզմի չլսված ակտ է: Ի դեեպ, Սանահինի վանական համալիրը 1996 թվականին UNESCO-ի կողմից ճանաչվել է համաշխարհային մշակութային ժառանգության մաս։

Опубликовано в Aurora News

Ռումինիայում ավարտվին մոտեցող բասկետբոլի տղամարդկանց Եվրոպայի մինչեւ 20 տարեկանների B դիվիզիոնի առաջնության 17-րդ տեղի համար խաղում Հայաստանի երիտասարդական հավաքականը հաղթեց Ադրբեջանի թիմին: Գրանցվեց 82:80 հաշիվը (25:15, 17:27, 20:13, 20:25)
Առաջին քառորդում 10 միավորի առավելությամբ հաղթեց հայկական թիմը, իսկ երկրորդում նույն տարբերությամբ ուժեղ գտնվեցին ադրբեջանցիները: Ընդմիջումից հետո Հայաստանի հավաքականը կարողացավ հաղթանակ կորզել: Հանդիպման վերջին վայրկյաններն անցան լարված պայքարում: Հայաստանի թիմն ուներ մեկ միավորի առավելություն, որը պահպանեց եւ ավելացրեց եւս մեկով:
Հիշեցնենք, որ հայ բասկետբոլիստները խմբային փուլի 4 խաղերից երեքում պարտվել էին Ֆինլանդիայի (69:95), Բելառուսի (56:67) եւ Բելգիայի (74:87) թիմերին եւ միակ հաղթանակը տարել էին խմբի առաջատար Լեհաստանի նկատմամբ (56:45)։ Վիգեն Էսկիջյանի գլխավորած թիմն «Ա» ենթախմբում գրավել էր վերջին՝ 5-րդ տեղը։

Опубликовано в Aurora News

Վարչապետ Կարեն Կարապետյանը աշխատանքային այցով Գյումրիում գտնվելիս շրջայց է իրականացրել: Նրան է մոտեցել սոցիալապես անապահով, հաշմանդամություն ունեցող մի տղամարդ և դժգոհել իր վիճակից: «Ինչքա՞ն կարելի ա էս վիճակով ապրել։ 18 հազար դրամ թոշակով հնարավո՞ր է երկու երեխա պահել։ Ըստ քեզի՝ հնարավո՞ր է դա անել ու դեղորայք առնել։ Աջակցեք էլի, որ մեզի մի քիչ մարդ զգանք»,- ասել է տղամարդը։
Վարչապետը հանձնարարել է գյումրեցուն տվյալները փոխանցել իր աշխատակցին։

Տեսանյութը՝ armtimes.com

Опубликовано в Aurora News

"Ռուսաստանի Դաշնությունում դատապարտված Հրաչյա Հարությունյանը, տեղափոխվել է Հայաստանի Հանրապետություն",- այս մասին տեղեկացնում է Հայաստանի Արդարադատության նախարարությունը: Հիշեցնենք, որ Հրաչյա Հարությունյանը 6 տարի 9 ամիս ժամկետով ազատազրկման էր դատապարտվել: 2013 թվականի հուլիսին Հրաչյա Հարությունյանը Պոդոլսկի մերձակայքում բեռնատարով բախվել էր ուղեւորատար ավտոբուսին, ինչի հետեւանքով 18 մարդ էր զոհվել, ավելի քան 60 մարդ տարբեր աստիճանի վնասվածքներ էր ստացել: Նա այժմ գտնվում է «Նուբարաշեն» քրեակատարողական հիմնարկում:

Опубликовано в Aurora News

"Իրազեկում
Աանձնագիր ստանալու ժամկետների նոր փոփոխության վերաբերյալ
Մինչ այժմ անձնագիրը առավել սեղմ ժամկետում՝ երրորդ աշխատանքային օրը լրացուցիչ վճարի դիմաց ստանալու համար քաղաքացին կարող էր դիմել միայն Երևան քաղաքի անձնագրային ծառայություներ: Այժմ այդ հարցով կարելի է դիմել նաև մարզերում տեղակայված անձնագրային ծառայություններ, որը զերծ է պահում Երևան հասնելու նպատակով լրացուցիչ ծախս կատարելուց:
Մարզերում տեղակայված անձնագրային ծառայություններում կան կոնկրետ օրեր, որ հնարավոր չէ կնքել եռօրյա պայմանագիր: Այդ օրերի համար կարող եք տեղեկանալ անձնագրային ծառայություններից:
Երրորդ աշխատանքային օրը անձնագիր ստանալու համար լրացուցիչ վճարը կազմում է 10.000 դրամ, իսկ կորստյան հիմքով նշված ժամկետում ստանալու դեպքում՝ 50.000 դրամ",- իր ֆեյսբուքյան էջում գրել է Հայաստանի Հանրապետության ոստիկանության անձնագրային և վիզաների վարչության պետ, ոստիկանության փոխգնդապետ Մնացական Բիչախչյանը:

Опубликовано в Aurora News

Բաքվում իրանցի զբոսաշրջիկի հագուստը բողոքի ալիք է բարձրացրել՝ հայտնում է minval.az կայքը։ Միջադեպը տեղի է ունեցել 28 Mall առևտրի կենտրոնում, որտեղ իրանցին շրջել է «Հայաստան» գրությամբ վերնաշապիկով:
Առևտրի կենտրոնի այցելուների բողոքից հետո տեղի անվտանգության ծառայության աշխատակիցները ստիպել են իրանցուն փոխել վերնաշապիկը:

Опубликовано в Aurora News

Ռումինիայի Օրադեա քաղաքում շարունակվող Եվրոպայի B դիվիզիոնի առաջնությունում Հայաստանի տղամարդկանց մինչև 20 տարեկանների հավաքականը 56-47 հաշվով հաղթել է Լեհաստանի թիմին,- հաղորդում է ՀԲՖ-ի մամուլի ծառայությունը: Ընտրանու հաջորդ մրցակիցն է Բելգիան: Խաղը կկայանա այսօր և կմեկնարկի Երևանի ժամանակով 18:15-ին: Հիշեցնենք, որ մեկնարկային երկու խաղերում Հայաստանի Մ-20 հավաքականը պարտվել էր Ֆինլանդիային և Բելառուսին:

Опубликовано в Aurora News

Հայաստանի բուհերում թափուր տեղերի մրցույթին մասնակցելու համար դիմորդները կարող են տվյալ բուհում հայտագրվել մինչեւ հուլիսի 20-ը: Այս մասին այսօր NEWS.am-ի հետ զրույցում ասաց Գնահատման եւ թեստավորման կենտրոնի տնօրեն Արա Իսպիրյանը: Նա նշեց, որ հուլիսի 20-25-ը կանցկացվի թափուր տեղերի մրցույթ, եւ արդեն հուլիսի 25-ին բուհերում կհրապարակվեն նոր մրցույթի արդյունքները:
«Պետական բուհերին հատկացված է եղել 14 հազար տեղ, ընդունվել է 8 հազար 266 դիմորդ»,-ասաց նա:
Երեւանի պետական համալսարանում թափուր տեղերի պատկերը, մասնավորապես, հետեւյալն է.
ֆիզիկա` 47 տեղ` 50-ից
քիմիա` 24 տեղ` 26-ից
ֆարմացիա` 33 տեղ` 68-ից
կենսաֆիզիկա եւ կենսաինֆորմատիկա ` 30 տեղ` 33-ից
սերվիս` 55 տեղ` 125-ից
տնտեսագիտություն` 80` 130-ից
հայոց լեզու եւ գրականություն` 31 տեղ` 120-ից
միջմշակութային հաղորդակցություն, ռուսաց լեզու` 40 տեղ` 40ից
անգլերեն լեզու եւ գրականություն` 52 տեղ` 135-ից
աստվածաբանություն` 38 տեղ` 45-ից
եկեղեցաբանություն` 25 տեղ` 25-ից
Հայաստանի ազգային պոլիտեխնիկական համալսարան
տնտեսագիտություն` 47 տեղ` 120-ից
շրջակա միջավայրի պաhպանություն` 23 տեղ` 24-ից
էլեկտրատեխնիկա, էլեկտրամեխանիկա եւ էլեկտրատեխնոլոգիաներ` 21 տեղ` 42-ից
Խ. Աբովյանի անվան հայկական պետական մանկավարժական համալսարան
պատմություն` 51 տեղ` 85-ից
հասարակագիտություն` 44 տեղ` 48-ից
Հայաստանի պետական տնտեսագիտական համալսարան
տնտեսագիտություն` 127 տեղ` 186-ից
հաշվապահական հաշվառում եւ հարկում 25 տեղ` 190-ից
վիճակագրություն` 17 տեղ` 38-ից (
Երեւանի Վ. Բրյուսովի անվան պետական լեզվահասարակագիտական համալսարան
մասնագիտական մանկավարժություն, անգլերեն լեզու եւ գրականություն` 99 տեղ`153-ից
մասնագիտական մանկավարժություն, գերմաներեն լեզու եւ գրականություն` 49 տեղ` 49-ից
սերվիս` 103 տեղ` 124-ից
քաղաքագիտություն` 49 տեղ` 54-ից
լրագրություն` 34 տեղ` 34-ից
ԵՊՀ միջազգային հարաբերություններ եւ իրավագիտություն մասնագիտությունների համար հատկացված բոլոր 140-ական տեղերը զբաղեցված են:

 

Опубликовано в Aurora News

Ռուսաստանում պաշտոնական այցով գտնվող ՀՀ ԱԺ նախագահ Արա Բաբլոյանը հակադարձել է ՌԴ պետդումայի խոսնակ Վյաչեսլավ Վոլոդինի՝Հայաստանում ռուսերեն լեզվին պաշտոնական կարգավիճակ տրամադրելու առաջարկին:
Ազգային ժողովի հասարակայնության և տեղեկատվության միջոցների հետ կապերի վարչության պետ Արսեն Բաբայանը NEWS.am-ին հայտնել է, որ Արա Բաբլոյանը հայտարարել է, որ Հայաստանում ռուսաց լեզվին պետական կարգավիճակ շնորհելու մասին հարց օրակարգում չկա:
«ԱԺ նախագահ Արա Բաբլոյանը տեղում հակադարձեց պնդելով, որ ՀՀ օրակարգում նման հարց չկա ու չի էլ սպասվում։ Հայաստանում բոլոր դպրոցներում սովորում են ռուսերեն, ուստի ռուսերենի իմացությունը ամբողջությամբ բավարար է վարորդության համար»,-ասաց Արսեն Բաբայանը՝ հավելելով, որ կողմերը պայմանավորվել են հարցին անդրադառնալ ապագայում:

Опубликовано в Aurora News

ՌԴ Պետդումայի խոսնակ Վյաչեսլավ Վոլոդինն առաջարկել է Հայաստանի իշխանություններին ամրագրել ռուսերենի պաշտոնական կարգավիճակը ՀՀ օրենսդրության մեջ, որպեսզի հայկական վարորդական իրավունքները կարողանան ճանաչվել նաև ՌԴ տարածքում:

Հունիսի 1-ից ՌԴ-ում ներգաղթյալ վարորդները այլևս չեն կարող որպես վարորդ աշխատել, եթե չունեն ՌԴ վարորդական իրավունք: Իսկ հուլիսի 14-ին ՌԴ Պետական դուման երրորդ ընթեցմամբ ընդունել է օրինագիծ, որով թույլատրվում է Ղրղզստանի քաղաքացիներին որպես վարորդ աշխատել Ռուսաստանում առանց ՌԴ վարորդական իրավունքներ ստանալու:

«Միայն մի բան կարող եմ ասել՝ ամրագրեք ռուսերենը որպես պաշտոնական լեզու և այդ դեպքում օրենքի նորմը ինքնաբերաբար կվերաբերի նաև Հայաստանին»,-ասել է Վոլոիդնը ՀՀ ԱԺ նախագահ Արա Բաբլոյանի հետ հանդիպմանը, հայտնում է ՏԱՍՍ-ը:

ՌԴ-ում Հայաստանում տրված վարորդական իրավունքների ճանաչման հարցը բարձրացրել է Բաբլոյանը: Նա ասել է, որ Պետդումայի կողմից Ղրղզստանի քաղաքացիների համար բացառություն անող օրենքի ընդունումից հետո ՀՀ քաղաքացի վարորդները փաստացի խաղից դուրս են հայտնվել:

«Երբ մենք քննարկում էինք այդ հարցը, մենք շեշտել ենք, որ նորմը գործելու է միայն այն երկրների համար, որտեղ ռուսերենի պաշտոնական կարգավիճակն ամրագրված է սահմանադրության մեջ, ֆիքսված է օրենսդրորեն»,-պարզաբանել է Վոլոդինը:

Հունիսի 1-ից Ռուսաստանում ուժի մեջ մտած Տրանսպորտային միջոցներ վարելու թույլտվության մասին նոր օրենքի հետևանքով ՌԴ-ում աշխատող հայաստանցի վարորդների մեծ մասը կորցրել է աշխատանքը:

Опубликовано в Aurora News
Страница 1 из 36

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio