«Իսկանդեր»-ի բարոյական կամ հոգեբանական նշանակություն մասին խոսողները չեն հասկանում, թե ինչ կործանարար ուժ ունի այդ զենքը, այս մասին հայտարարել է ՀՀ նախագահ Սերժ Սարգսյանը:

Հարցին, թե ի՞նչ գործոնների դեպքում եւ ի՞նչ պարագայում Հայաստանը կարող է կիրառել «Իսկանդեր» համակարգերը, նախագահը պատասխանել է՝ անհրաժեշտության դեպքում:
«Դիրքորոշումների մեջ փոփոխություն՝ գոնե հայկական դիրքորոշման մեջ, ես չեմ ենթադրում։ Ինչ վերաբերում է զիջումներին, վերջին 20 տարիների ընթացքում մենք որեւէ կերպ, որեւէ տեղ, որեւէ ձեւով չենք խոսել զիջումների մասին։ Մենք մշտապես խոսել ենք եւ հիմա էլ շարունակում ենք խոսել խնդրի լուծման փոխզիջումային տարբերակի մասին։ Սրանք տարբեր բաներ են։ Եվ ես վստահ եմ, որ եթե այս խնդիրը եթե 20 տարի էլ լուծում չստանա, ապա հայկական կողմի մոտ երբեք չի լինի ցանկություն զիջումների միջոցով գնալ իրավիճակի թեթեւացման։ Որովհետեւ սա կործանարար ճանապարհ է եւ սա երբեք խնդիրները չի կարող լուծել»,- ասել է նախագահը:
Սերժ Սարգսյանն արձագանքելով նախագահի լիազորություններն ավարտվելուց հետո իր՝ վարչապետ դառնալու հնարավորության մասին հարցին, պատասխանել է. «Ես բազմաթիվ անգամ անկեղծորեն ասել եմ՝ ես երբեք չեմ մտածել, թե որն է լինելու իմ հաջորդ գործունեության ոլորտը: Նույն կերպ հիմա եմ շարունակում մտածել: Դեռեւս հսկայական ժամանակ կա: Իսկ ի՞նչ էական է դա: Էական չի, չէ՞»:
Նախագահը հիշեցրել է, որ խորհրդարանական կառավարման պայմաններում վարչապետին առաջադրելու է Ազգային ժողովում մեծամասնություն կազմած քաղաքական ուժը,- «Արմենիա» հեռուստաընկերության «Ռ-էվոլյուցիա» հաղորդաշարին տված հարցազրույցում այս մասին հայտարարել է ՀՀ նախագահ Սերժ Սարգսյանը:

Опубликовано в Aurora News
Суббота, 03 июня 2017 17:14

«Իսկանդերի» առաջին արձակումը

Օբյեկտիվ վերահսկողությունը հաստատել է հակառակորդի օբյեկտի լիակատար ոչնչացումը։ Ռուսաստանի պաշտպանության նախարարությունը հրապարակել է «Իսկանդեր-M» օպերատիվ-տակտիկական հրթիռային համալիրի առաջին արձակումը ՌԴ սահմաններից դուրս: Արձակումն իրականացել է Ռուսաստանի եւ Տաջիկստանի «Դուշանբե-Հակաահաբեկչություն» համատեղ զորավարժությունների ժամանակ։ Զորավարժությունների ավարտին հրթիռավարները ոչնչացրել են պայմանական գրոհայիններին, որոնք գտնվել են թիրախից 140 կմ հեռավորությամբ։ 

Опубликовано в Aurora News

Արցախում նախորդ տարվա ապրիլյան իրադարձությունների կրկնության պարագայում Հայաստանը կկիրառի «Իսկանդեր» օպերատիվ մարտավարական հրթիռային համալիրը: Այս մասին ասաց Ռուսաստանի Դաշնության ԱՊՀ երկրների ինստիտուտի Կովկասի բաժնի ղեկավար, ռազմական փորձագետ Վլադիմիր Եվսեևը: Եվսեևը նշել է, որ չպետք է մոռանալ՝ «Իսկանդեր»-ը գտնվում է Հայաստանի տարածքում, բայց ռուսական ռազմաբազայում, ուստի ուղիղ կառավարում Հայաստանի կողմից չի կատարվում: Բայց, ըստ քաղաքագետի, եթե պատերազմ լինի, իսկ դա հնարավոր է Արցախի տարածքում, ուրեմն «Իսկանդեր»-ը կգործադրվի Հայաստանի կողմից: Ռուսաստանցի ռազմական փորձագետը շեշտեց, թե Հայաստանն ամենևին էլ չպետք է կաշկանդվի նրանով, որ «Իսկանդեր»-ն աշխատեցվում է ռուսական զինվորների կողմից, որովհետև հրթիռահրետանային այս համալիրը գտնվում է Հայաստանում Հայաստանի անվտանգության ապահովման համար, քանի որ եղել է սպառնալիք նաև ՀՀ սահմանների նկատմամբ: Հակառակ դեպքում, Եվսեևի խոսքով, Ադրբեջանն այս հանգամանքից խուճապի չէր մատնվի: Ճշտող հարցին՝ եթե ապրիլյան իրադարձությունները կրկնվեն Հայաստանը կարող է կիրառել «Իսկանդեր»-ն առանց Ռուսաստանի թույլտվությա՞ն, թե ամեն դեպքում պաշտոնական Մոսկվան պիտի իր համաձայնությունը տա, ապա Վ. Եվսեևը պատասխանեց. «Համաձայնություն, իհարկե, պիտի լինի: Այս համակարգը հայ-ռուսական համատեղ զորքերի մաս է և կա դրա կիրառելիության հատուկ կարգ: Ռազմական կիրառելիության ժամանակ գործում է փոքր-ինչ այլ մեխանիզմ: Եվ դա այնպես չէ, որ պետք է զանգել Մոսկվային, սպասել, մինչև Մոսկվան թույլ տա: Հնարավորություն կա կիրառել զինատեսակը ռազմական ղեկավարության կողմից: Օպերատիվ ռազմական գործողությունների ժամանակ միշտ չէ, որ հնարավոր է ամեն ինչ համաձայնեցնել: Եթե լինի իրական պատերազմ, պատերազմի իրական սպառնալիք, պետք չէ մտածել, որ Ռուսաստանը կարող է թույլ տալ կամ թույլ չտալ կիրառել «Իսկանդեր»-ը: Կրկնում եմ՝ «Իսկանդեր»-ը Հայաստանի, հայ բնակչության անվտանգության ապահովման համար է և կարող է լիովին կիրառվել, եթե բնակչության անվտանգությունը վտանգի տակ է»: Հարցին, թե այդ դեպքում՝ ո՞վ է գնահատելու սպառնալիքները, ո՞վ է որոշելու՝ ստեղծված իրավիճակում պե՞տք է կիրառել «Իսկանդեր», թե՞ ոչ, կա՞ դրա անհրաժեշտությունը, թե՞ ոչ, Վլադիմիր Եվսեևը պատասխանեց,  որ իրավիճակը գնահատվելու է համատեղ՝ Հայաստանի և Ռուսաստանի կողմից:

Սկզբնաղբյուրը` http://www.tert.am/am/news/2017/03/04/iskander/2297944

Опубликовано в Aurora News

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio