Tert.am-ի տեղեկություններով այսօր ժամը 13:00-ի սահմաններում Արարատի գնդի պայմանագրային զինծառայողներից մեկն ականի պայթյունի հետևանքով վիրավորվել է:
Տեղեկությունների համաձայն՝ զինծառայողն ականապատ դաշտում է, այս պահի դրությամբ նրան փորձում են օգնություն ցուցաբերել սակրավորները:
Նախնական տեղեկություններով՝ պայմանագրային զինծառայողը փորձել է կարճ ճանապարհով մի հենակետից մյուս հենակետ հաց տեղափոխել, ինչի ընթացքում ականի պայթյուն է տեղի ունեցել:
ՀՀ քննչական կոմիտեից Tert.am-ի հետ զրույցում հաստատեցին ականի պայթյունի վերաբերյալ տեղեկությունը:
«Նման ահազանգ ստացվել է: Մեկ պայմանագրային զինծառայող սրունքի շրջանում բեկորային վնասվածք է ստացել»,- հայտնեցին Քննչական կոմիտեից, հավելելով, որ դեպքի վայրում աշխատում է քննչական խումը, հանգամանքները պարզվում են:

Опубликовано в Aurora News
Понедельник, 10 июля 2017 20:19

Արցախում զինծառայող է զոհվել

Հուլիսի 10-ին՝ ժամը 17:40-ի սահմաններում, ՊԲ արևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել ՊԲ զինծառայող, 1997թ. ծնված Վազգեն Ժիրայրի Պողոսյանը: Ինչպես տեղեկացնում է Արցախի ՊԲ, դեպքի մանրամասները պարզելու համար կատարվում է քննություն: Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

Опубликовано в Aurora News

Հուլիսի 7-ին ադրբեջանական զինուժի արկակոծության արդյունքում տարբեր աստիճանի բեկորային վիրավորումներ ստացած 3 զինծառայողներից մեկի վիճակը ծայրահեղ ծանր է: Ստեփանակերտի հոսպիտալից տեղեկացրել են, որ ծայրահեղ ծանր է գնահատվում գլխի շրջանում վիրավորում ստացած զինծառայողի առողջական վիճակը, մյուս զինվորինը՝ ծանր, երրորդինը՝ նորմալ: Հուլիսի 7-ին ադրբեջանական զինուժի արկակոծության արդյունքում՝ տարբեր աստիճանի բեկորային վիրավորումներ են ստացել ՊԲ զինծառայողներ Ռոբերտ Նովրուզի Գասպարյանը (ծնվ. 1969թ.), Համբարձում Կարապետի Հարությունյանը (ծնվ. 1997թ.) և Վահե Գագիկի Բադալյանը (ծնվ. 1998թ.): Հուլիսի 7-ի առավոտվանից սկսած հակառակորդն արցախա-ադրբեջանական հակամարտ զորքերի շփման գծում խախտում է հրադադարի պահպանման ռեժիմը՝ օգտագործելով ինչպես հրաձգային զինատեսակներ, այնպես էլ Դ-30 և Դ-44 տիպի հրանոթներ, տարբեր տրամաչափի ականանետեր ու նռնականետեր: Հուլիսի 4-ին արցախա-ադրբեջանական հակամարտ զորքերի շփման գծի տարբեր հատվածներում Ադրբեջանի կողմից հրադադարի ռեժիմի խախտման ու, մասնավորապես, հարավային ուղղությամբ 107-մմ համազարկային հրթիռային կայանքից հայկական դիրքերը հրթիռակոծելուց հետո ՊԲ-ն պատասխան հարված է հասցրել ադրբեջանական զինուժին:Ադրբեջանի Ալխանլի գյուղի ուղղությամբ «հայկական կողմի կրակոցների» զոհ է դարձել երկու քաղաքացիական (52-ամյա Սահիբա Ալլահվերդիևա, 2-ամյա Զահրա Գուլիևա), ևս մեկը վիրավորվել է։ Տեղեկությունը Panorama.am-ից է:

Опубликовано в Aurora News

Ինչպես արդեն հաղորդել ենք, այսօր առավոտվանից սկսած հակառակորդը արցախա-ադրբեջանական հակամարտ զորքերի շփման գծում խախտում է հրադադարի պահպանման ռեժիմը՝ օգտագործելով ինչպես հրաձգային զինատեսակներ, այնպես էլ Դ-30 և Դ-44 տիպի հրանոթներ, տարբեր տրամաչափի ականանետեր ու նռնականետեր: Ադրբեջանական զինուժի արկակոծության արդյունքում՝ տարբեր աստիճանի բեկորային վիրավորումներ են ստացել ՊԲ զինծառայողներ Ռոբերտ Նովրուզի Գասպարյանը (ծնվ. 1969թ.), Համբարձում Կարապետի Հարությունյանը (ծնվ. 1997թ.) և Վահե Գագիկի Բադալյանը (ծնվ. 1998թ.): Հակառակորդի նախահարձակ ակտիվությունը ճնշելու համար ՊԲ առաջապահ զորամասերն իրականացնում են պատասխան գործողություններ: Առաջնային գծում իրավիճակի ապակայունացմանն ուղղված գործողությունների ողջ պատասխանատվությունը կրում է Ադրբեջանի ռազմաքաղաքական ղեկավարությունը:

Опубликовано в Aurora News

Վանաձոր-Դիլիջան ճանապարհին այսօր ժամը 8:00-ի սահմանում սնունդ տեղափոխող ՊՆ «Կամազ» է շրջվել: Վանաձորից NEWS.am-ի թղթակիցն հաղորդում է, որ վթարի հետևանքով 2 պայմանագրային զինծառայող տեղափոխվել է Վանաձորի զինվորական հոսպիտալ:
Դեպքի վայրում հավաքվածներն պատմել են, որ վթարի պատճառ են դարձել ճանապարհի երթևեկելի մասով անցնող անասունները:
Այս պահին դեպքի վայրում են ՊՆ եւ ռազմական ոստիկանության մեծ թվով աշխատակիցներ, տեղում է նաև Լոռու ՃՈ պետ Վահան Էվինյանը:

Опубликовано в Aurora News

Հայ զինվորը շնորհավորում է իր մայրիկի ծննդյան տարեդարձը: 

Опубликовано в Aurora News

Խոշոր ավտովթար է տեղի ունեցել Գեղարքունիքի մարզում. ՊՆ-յան համարանիշներով ГАЗ 66 մակնիշի ավտոբուսը կողաշրջվել է. մեծ թվով պայմանագրային զինծառայողներ մարմնական վնասվածքներով տեղափոխվել են զինվորական հոսպիտալ: Ավտովթարը եղել է առավոտյան Ժամը 6։30-ի սահմաններում Վարդենիս-Դարանիկ ավտոճանապարհի՝ Դարանիկ գյուղի վարչական տարածքում: ֆոտոլրագրող Գագիկ Շամշյանը հայտնում է, ավտոբուսում եղել են 30 պայմանագրային զինծառայողներ: 12 հոգի տարբեր աստիճանի մարմնական վնասվածքներով տեղափոխվել են Վարդենիսի զինվորական հոսպիտալ։ Երևան են տեղափոխվում 8 զինծառայող, որից երկուսի վիճակը միջինից ծանր է, մեկը ունի կոտրվածքներ։ Մյուսների վիճակը բավարար է։ Վթարի պատճառը եղել է ֆյուղամիջյան ճանապարհին հայտնված խոշոր եղջերավոր անասունները, և վարորդը, խույս տալով նախրից, չի կարողացել կառավարել ավտոմեքենան և այն կողաշրջվել է։ Փաստի առթիվ զբաղվում է ՊՆ-յան ռազմական ոստիկանությունը։ 

Опубликовано в Aurora News

ՀՀ կառավարությունն ավտոճանապարհներին տեսախցիկների արձանագրած խախտումներից ստացվող միջոցներն ուղղում է զոհված ազատամարտիկների և զինծառայողների անօթևան ընտանիքների, ինչպես նաև առաջին կարգի հաշմանդամ զինծառայողների անօթևան և բարելավման կարիք ունեցող ընտանիքների բնակարանային խնդրի լուծմանը: Այդ նպատակով կառավարությունը փոփոխություններ և լրացումներ կատարեց ՀՀ ԿԱ Ոստիկանության «Ճանապարհային ոստիկանություն» ծառայության արտաբյուջետային ֆոնդի օգտագործման ուղղություն սահմանելու, ՀՀ 2017 թվականի պետական բյուջեում և կառավարության 2016 թվականի դեկտեմբերի 29-ի համապատասխան որոշման մեջ:

«Որոշման ընդունումը պայմանավորված է ՀՀ կառավարության կողմից հաստատված ծրագրով զոհված, մահացած և հաշմանդամ զինծառայողների ընտանիքների բնակարանային պայմանների բարելավման հանգամանքով: Որոշման նպատակը պայմանավորված է Ճանապարհներին տեղադրված տեսախցիկների միջոցով արտաբյուջե հավաքագրվող գումարների վերաբաշխումը, որով լուծվում է զոհված ազատամարտիկների և զինծառայողների անօթևան ընտանիքների, ինչպես նաև առաջին կարգի հաշմանդամ զինծառայողների անօթևան և բարելավման կարիք ունեցող ընտանիքների բնակարանային խնդիրը: Յուրաքանչյուր տարի կառավարությունը բյուջետային ծրագրով այս հարցը լուծում է 500 մլն դրամի շրջանակում, այս փոփոխությամբ, կատարելով ՀՀ նախագահի հանձնարարականը, կլուծվի բոլոր ընտանիքների բնակարանային խնդիրը»,- ասաց ՀՀ պաշտպանության նախարար Վիգեն Սարգսյանը:
Հաջորդ տարի ծրագիրը կուղղվի երկրորդ կարգի հաշմանդամություն ունեցող զինծառայողների խնդիրների լուծմանը:
Անդրադառնալով որոշմանը՝ վարչապետ Կարեն Կարապետյանը նշեց. «Շատ լավ գործ է»:

Опубликовано в Aurora News

Ադրբեջանական լրատվամիջոցներով տարածված տեսանյութերում «հայ դիվերսանտ» ներկայացվող անձը զինծառայող չէ․ այս մասին Tert.am-ին հայտնեց ՀՀ ՊՆ մամուլի խոսնակ Արծրուն Հովհաննիսյանը:
«Հայկական զինված ուժերը որևէ դիվերսիա չի իրականացրել և որևէ դիվերսանտի կորուստ չունի: Իսկ այդ թատրոնը, որն Ադրբեջանի կողմից ներկայացվեց, առաջին անգամ չէ, որ իրականացվում է»,- ասաց նա:
Հիշեցնենք, որ ադրբեջանական լրատվամիջոցները տեղեկատվություն էր տարածել այն մասին, որ հունիսի 20-ին հայ-ադրբեջանական շփման գծում Հայաստանի Զինված ուժերի դիվերսիոն մի խմբավորում փորձել է անցնել Ադրբեջանի ԶՈւ պաշտպանական գիծը, «սակայն ժամանակին ձեռնարկված միջոցառումների արդյունքում հայկական կողմը հետ է քաշվել՝ տալով կորուստներ, և հայկական կողմից կա գերի»:
Այնուհետև Ադրբեջանի ՊՆ-ն հոդված և դրան կից տեսանյութ է հրապարակել, որտեղ ներկայացրել է «հունիսի 20-ին ձերբակալված հայ դիվերսանտին», ով ներկայանում է որպես Զավեն Հովհաննեսի Կարապետյան (ծնված 1974 թ.):
Արցախի Հանրապետության պաշտպանության բանակի մամուլի քարտուղար Սենոր Հասրաթյանը, սակայն, Tert.am-ին հայտնել է, որ դա ադրբեջանական հերթական ապատեղեկատվությունն է:

Опубликовано в Aurora News

Ադրբեջանի պաշտպանության նախարարությունը լուսանկար և տեսանյութ է հրապարակել, ոմն մի անձի ներկայացնելով որպես հայկական բանակի զինծառայող, որն իբր «դիվերսիոն հետախուզական խմբի» անդամ է:
Ադրբեջանական ԶԼՄ-ները մեջբերում են նրա արած հայտարարությունը, որն ասել է, թե իր անունը «Զավեն Կարապետյան է, ծնված 1974թ. նոյեմբերի 16-ին Նոյեմբերյանի շրջանի Դովեղ գյուղում, գյուղացի է»:
Այնուհետև ադրբեջանական զինուժի գերության մեջ գտնվող քաղաքացին սկսում է պատմել, իբր մարտական հերթապահություն է իրականացնում, ու եկել էր առաջնագիծ՝ ադրբեջանցիներ սպանելու համար, հայտնում են ադրբեջանական ԶԼՄ-ները
Հունիսի 21-ին ադրբեջանական ԶԼՄ-ները հայտարարեցին, որ հայկական ԶՈւ դիվերսիայի փորձ են կանխել՝ մեկ հոգու գերեվարելով: Հայկական կողմը հերքեց այս լուրը՝ այն որակելով որպես հակառակորդի հերթական ապատեղեկատվություն: Սակայն, միևնույն ժամանակ, սոցիալական ցանցերի ադրբեջանցի օգտատերերից մեկը հաղորդում է սահմանն անցած մոտ 50 տարեկան հայի մասին, որին «զինվորականները եկել տարել են»:

Опубликовано в Aurora News
Страница 1 из 8

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio