Ֆեյսբուքյան օգտատեր Հովհաննես Թովմասյանը հետևյալ գրառումն է կատարել. "Երևանի սիրտը.... Հանրապետության Հրապարակի , պետական պատկերասրահի ետնամասի բակը: Օրական տասնյակ զբոսաշրջիկներ, որոնք այստեղ տներ են վարձում ու նաև բնակիչները, տեսնում են այս ամենը իսկ հետո լսում երգեր մեր մայրաքաղաքի մասին: Հիմնականում, թե որքան ենք մենք սիրում Երևանը: Բազմաթիվ բնակիչների խնդրանքով , էլեկտրոնային նամակով դիմել եմ քաղաքապետարան, որ արձագանքեն: Հուսով եմ կարձագանքեն և հնարավորինս արագ կշտկվի այս հատվածի անհարգի խնդիրը: Նաև աստված ոչ անի այս շենքերից մեկում հրդեհ լինի, քանի որ հյուրանոցի դրված ցցերի շնորհիվ, դեպի այս հատված նույնիսկ հրշեջ մեքենա չի անցնի, էլ չեմ ասում մանկական սայլակներով մայրերի կամ տարեցների մասին, որոնք ամեն օր , բնակվելով Երևանի սրտում, էքստրեմալ իրավիճակներ են ապրում: Շարունակելի..."

Опубликовано в Aurora News

Այսօր ֆեյսբուքյան օգտատեր Հրանտ Մելիք-Շահնազարյանն իր էջում գրառում է կատարել, նշելով. "Առավոտյան գործի գալուց նկատեցի, որ մեր շենքերի բոլոր աղբամանները լիքն են ու մարդիկ զիբիլը դրանց կողքն են շարում: Մինչ գործի հասա, մի 10 տեղ էլ նման տեսարանի հանդիպեցի: Ու դա այն դեպքում, երբ քաղաքում ջերմաստիճանը գրեթե +40-ի է հասնում: Պատկերացնում եմ, թե մեկ-երկու ժամ հետո Երևանում ինչ կկատարվի, եթե Սանիթեք-ում որոշեն մի քիչ էլ հանգստանալ: Խայտառակություն է սա ու հիվանդությունների բուն",- գրել է նա՝ իր էջում զետեղելով նաև իրավիճակը ներկայացնող լուսանկարներ:
Ի դեպ, ավելի ուշ պարզվեց, որ, իսկապես, աղբահանության գործընթացում խափանումներ կան: Այս առնչությամբ հաղորդագրություն է տարածել "Սանիթեք" ընկերությունը, տեղեկացնելով.
"Այս պահին Երևան քաղաքում աղբահանության գործընթացում խափանումներ կան, և հնարավոր է, որ որոշ հասցեներում աղբի տեղափոխման գործընթացում ժամային գրաֆիկից ուշացումներ լինեն։ Խափանման պատճառն այն է, որ վերջին շաբաթների ընթացքում բազմաթիվ դեպքեր են գրանցվել, երբ որոշ անբարեխիղճ բնակիչներ շինարարական կոշտ աղբը որպես կենցաղային աղբ նետել են աղբամանների մեջ. արդյունքում՝ միաժամանակ աշխատանքի մեջ գտնվող մի քանի մեքենաներում անսարքություններ են առաջացել։ Պատճառն այն է, որ, թեև աղբատար մեքենաները համալրված են աղբը սեղմելու համար նախատեսված հատուկ սարքերով, դրանք նախատեսված չեն շինարարական կոշտ աղբը սեղմելու համար, ուստի երբ շինարարական աղբը հայտնվում է սեղմիչ սարքի հատվածում, վերջինս վնասվում է։ Ընկերության աշխատակիցները, մասնավորապես՝ մեքենաների սպասարկման անձնակազմը, աշխատում են արտակարգ ռեժիմով՝ փորձելով հնարավորինս արագ շտկել տեխնիկական խնդիրները։ Հիշեցնենք, որ "Սանիթեք" ընկերության աղբատար մեքենաների մեծ մասը նախատեսված չէ ծանր շինարարական աղբ տեղափոխելու համար, իսկ ընկերությունը չի զբաղվում աղբի այդ տեսակի տեղափոխությամբ։ Ընկերությունը դիմում է բնակիչներին՝ կոչ անելով շինարարական աղբի տեղափոխման համար օգտվել հատուկ ծառայություններից և, առավել ևս, չնետել նման աղբն աղբամանի մեջ՝ առաջացնելով արհեստական խոչընդոտներ աղբահանության գործընթացում",- ասված է հայտարարությունում։ Ընկերությունը նաև հայցում է բնակիչների ներողամտությունը։

Опубликовано в Aurora News

Էրեբունու «Գաջի գործարան» կոչվող տարածքի աղի լիճը:
Տեսանյութը՝ lragir.am

Опубликовано в Aurora News

Վեոլիա Ջուր ընկերությունը տեղեկացնում է իր հաճախորդներին և սպառողներին, որ ս.թ. հուլիսի 20-ին ժամը 10:00-ից մինչև հուլիսի 21-ը ժամը 10:00-ն, պլանային աշխատանքներով պայմանավորված, կդադարեցվի Երևանի հետևյալ տարածքների ջրամատակարարումը.
• Կենտրոն վարչական շրջանի՝ Վազգեն Սարգսյան, Դեղատան, Իտալիայի, Բեյրութի, Մհեր Մկրտչյան, Զաքյան, Գրիգոր Լուսավորչի, Լեոյի, Ամիրյան, Բրյուսովի, Կաշեգործների, Լազոյի, Կարա-Մուրզայի, Արգիշտիի, Մայիսյան, Թաիրովի փողոցների, Ագաթանգեղոսի 1-8, Պարոնյան 1-15, Իսրայելյան 1-39, Խորենացու 1-29, Կողբացու 1-20, Բուզանդի 5-89, Իսակովի 1-13, Մաշտոցի 1-20, Արշակունյաց 1-36 համարների, Արշակունյաց 1-ին և 2-րդ նրբանցքների, Հրազդանի կիրճի, Կիլիկիա և Նորագյուղ թաղամասերի, Ծիծեռնակաբերդի պուրակի և խճուղու, Էջմիածնի հին խճուղու,
• Շենգավիթ վարչական շրջանի՝ Շարուրի, Թամանցիների փողոցների, Շիրակի և Մասիսի փողոցների՝ իրենց նրբանցքներով, Արարատյան 50-130, Բագրատունյաց 40-70, Արշակունյաց 58-260 համարների, Արշակունյաց 4-րդ նրբանցքի, Ներքին Չարբախ, Ներքին Շենգավիթ, Աէրացիա թաղամասերի:
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

 Վեոլիա Ջուր ՓԲԸ

 

Опубликовано в Aurora News

Տրանսպորտային միջոցների հապաղումներից և կուտակումներից խուսափելու նպատակով 2017 թվականի հուլիսի 20-ից Երևան քաղաքի Էրեբունի վարչական շրջանի 7-րդ, 20-րդ և 24-րդ փողոցների շրջանաձև երթևեկության խաչմերուկում կկատարվի երթևեկության կազմակերպման փոփոխություն:
Համապատասխան ճանապարհային նշաններով և գծանշումներով երթևեկությունը կկազմակերպվի այնպես, որ երթևեկության առավելություն կունենան շրջանաձև երթևեկության հատվածում գտնվող տրանսպորտային միջոցները՝ մերձակա փողոցներից շրջանաձև երթևեկության հատված մուտք գործող տրանսպորտային միջոցները պետք է ճանապարհը զիջեն շրջանաձև երթևեկության հատվածում գտնվող տրանսպորտային միջոցներին:

Опубликовано в Aurora News
Четверг, 13 июля 2017 19:15

Հեղեղ Էրեբունիում

Անձրևն այնքան ուժեղ է եղել, որ մայթեզրերը ծածկվել են ջրով, իսկ փողոցներով հնարավոր չէ ոտքով անցնել։ Անցորդները թաքնվել էին մոտակա կառույցների տակ, իսկ վարորդները մեքենաները կանգնեցնում էին ապահով վայրերում՝ կարկուտի հարվածներից հեռու պահելու համար: Խայտառակ վիճակ է ստեղծվել Գործարանային մետրոյի տարածքում: Ինչպես փոխանցեցին Ավրորայի ռադիոլսողները, սելավատարներից ջուրը դուրս է եկել և լցվել փողոցները: Ջրով են ողողված Գործարանային մետրոյից դեպի Բանվորի արձան և դեպի Կինո Հայրենիք ձգվող հատվածները: Ջուր է լցված նաև գործարանային մետրոյի կանգառի մոտ գտնվող կամրջի տակ: Ջուրը հասել է նաև  Չարբածի Շիրակի 1 հասցեից մինչև շուկայի խաչմերուկ: Այս իրավիճակի հետևանքով այդ տարածքներում ահավոր վիճակ է ստեղծվել ավտոմեքենաների համար: Վարորդներն ուղղակի անջատել են շարժիչները ու կանգնել: Երթևեկության համար մեկ այլ խնդիր էլ է առաջացել: Երևի հենց նույն պատճառով կարճ միացում է եղել, և այդ ճանապարհներին չեն աշխատում նաև լուսացույցները: Մենք կրկին կապ հաստատեցինք քաղաքապետարանի թեժ գծի հետ, որտեղից մեզ փոխանցեցին, որ խնդրին տեղյակ են: Այսպես ասած, դեպքի վայր են մեկնել ճանապարհային ոստիկանության աշխատակիցները՝ երթևեկը կարգավորելու համար: Իսկ ինչ վերաբերում է սելավաջրերին, ապա խնդրին համապատասխան ատյաները տեղեկացված են:

Опубликовано в Aurora News

Հուլիսի 16-ին մայրաքաղաքում նախատեսված «Երևանյան գունազարդ վազք» (Yerevan Color Run) վազքարշավով պայմանավորված՝ առավոտյան ժամը 09:30-ից մինչև 11:00-ն երթևեկության համար փակ կլինեն մայրաքաղաքի Հանրապետության հրապարակը, Վազգեն Սարգսյան, Իտալիայի, Բեյրութի, Ամիրյան, Իսահակյան, Նալբանդյան փողոցները և Մեսրոպ Մաշտոցի պողոտայի երթևեկելի մեկ հատվածը:
Պատճառվող ժամանակավոր անհարմարությունների համար հայցում ենք ձեր ներողամտությունը:

Երևանի քաղաքապետարան

Опубликовано в Aurora News

«Հայկական ժամանակ» թերթը գրում է. «Այս օրերին լուրեր են պտտվում, որ սեպտեմբերից Երեւանում բարձրանալու է հանրային տրանսպորտի ուղեվարձը: Ընդ որում, ըստ նույն լուրերի, սկզբում թանկացումը նախատեսվել է օգոստոսին, ներքին զորքերին հանձնարարվել է հետաձգել արձակուրդները՝ կանխատեսվող հանրային լարվածության պատճառով: Հետո սակայն գործընթացը հետաձգվել է մինչեւ սեպտեմբեր:
Երեւանի քաղաքապետարանի աշխատակազմի տեղեկատվության եւ հասարակայնության հետ կապերի վարչության պետ Արթուր Գեւորգյանը լրատվամիջոցի հետ զրույցում անդրադառնալով հարցին, հերքեց, որ սեպտեմբերին սակագնի փոփոխություն է սպասվում: Բայց թե ինչ կլինի ավելի ուշ՝ բարեփոխումների գործընթացի ավարտի արդյունքում, նա դժվարացավ կանխատեսել:
Ինչպես հայտնի է, միջազգային խորհրդատուին՝ անգլիական «Դաբլյու Վայ Ջի Ինթերնեյշնլ լիմիթիդ» ընկերությանը պատվիրվել էր ուսումնասիրել, մշակել երթուղային նոր ցանց եւ ներկայացնել առաջարկների ամբողջական փաթեթ: Դա նախատեսված էր հունիսին: Քաղաքապետարանից հստակ չեն տեղեկացնում՝ միջազգային խորհրդատուն ինչ առաջարկներ է ներկայացրել»:

Опубликовано в Aurora News

Երեւանում, հուլիսի 11-ին, հերթական արտակարգ դեպքն է տեղի ունեցել. ժամը 18:50-ի սահմաններում Խանջյան փողոցում՝ Շախմատի տան բակում, դարն ապրած հաստաբուն բարդին քամու հետեւանքով պոկվել եւ ընկել է կայանված վիճակում գտնվող Toyota Prado մակնիշի 70 VQ 070 համարանիշի ավտոմեքենայի վրա:
Shamshyan.com-ի փոխանցմամբ, զոհեր եւ վիրավորներ չկան:

Опубликовано в Aurora News

Բաղրամյան Մոսկովյան խաչմերուկում եռանկյունաձև կղզյակ է լինելու: Բաղրամյանից իջնողի լուսացույցը բերվելու է առաջ: Բաղրամյանից Մոսկովյան ԱՋ միշտ բաց է լինելու: Մանրամասները տեսանյութում:

Опубликовано в Aurora News
Страница 1 из 9

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio