Կինոռեժիսոր Արշակ Զաքարյանն առաջնագծից տեսանյութ է հրապարակել ֆեյսբուքյան իր էջում՝ գրելով.

"Ադրբեջանական ցանկացած ոտնձգություն, սանձարձակություն պատժվում և էլ ավելի խիստ է պատժվելու մեր զինուժի կողմից: Այլ երկրների համար էլ ասեմ, որ եթե նրանց թվում է, թե Արցախն ու Արցախի սահմանները կարող են իրենց համար նոր զենքերի փորձարկման պալիգոնի վերածել, Ադրբեջանին այդ զենքերը վաճառելով, ապա թող լավ հիշեն Իրաքի, Աֆղանստանի և շատ այլ երկրների օրինակներ` երբ նույն այդ զենքով հետո սպանում էին իրենց, վաճառողի զինվորներին...Ներկայացնում ենք շատ փոքրիկ հատված հայկական զինուժի պատասխան հարվածներից վերջին օրերին..."

Опубликовано в Aurora News

Ադրբեջանական լրատվամիջոցներով տարածված տեսանյութերում «հայ դիվերսանտ» ներկայացվող անձը զինծառայող չէ․ այս մասին Tert.am-ին հայտնեց ՀՀ ՊՆ մամուլի խոսնակ Արծրուն Հովհաննիսյանը:
«Հայկական զինված ուժերը որևէ դիվերսիա չի իրականացրել և որևէ դիվերսանտի կորուստ չունի: Իսկ այդ թատրոնը, որն Ադրբեջանի կողմից ներկայացվեց, առաջին անգամ չէ, որ իրականացվում է»,- ասաց նա:
Հիշեցնենք, որ ադրբեջանական լրատվամիջոցները տեղեկատվություն էր տարածել այն մասին, որ հունիսի 20-ին հայ-ադրբեջանական շփման գծում Հայաստանի Զինված ուժերի դիվերսիոն մի խմբավորում փորձել է անցնել Ադրբեջանի ԶՈւ պաշտպանական գիծը, «սակայն ժամանակին ձեռնարկված միջոցառումների արդյունքում հայկական կողմը հետ է քաշվել՝ տալով կորուստներ, և հայկական կողմից կա գերի»:
Այնուհետև Ադրբեջանի ՊՆ-ն հոդված և դրան կից տեսանյութ է հրապարակել, որտեղ ներկայացրել է «հունիսի 20-ին ձերբակալված հայ դիվերսանտին», ով ներկայանում է որպես Զավեն Հովհաննեսի Կարապետյան (ծնված 1974 թ.):
Արցախի Հանրապետության պաշտպանության բանակի մամուլի քարտուղար Սենոր Հասրաթյանը, սակայն, Tert.am-ին հայտնել է, որ դա ադրբեջանական հերթական ապատեղեկատվությունն է:

Опубликовано в Aurora News

Ադրբեջանի պաշտպանության նախարարությունը լուսանկար և տեսանյութ է հրապարակել, ոմն մի անձի ներկայացնելով որպես հայկական բանակի զինծառայող, որն իբր «դիվերսիոն հետախուզական խմբի» անդամ է:
Ադրբեջանական ԶԼՄ-ները մեջբերում են նրա արած հայտարարությունը, որն ասել է, թե իր անունը «Զավեն Կարապետյան է, ծնված 1974թ. նոյեմբերի 16-ին Նոյեմբերյանի շրջանի Դովեղ գյուղում, գյուղացի է»:
Այնուհետև ադրբեջանական զինուժի գերության մեջ գտնվող քաղաքացին սկսում է պատմել, իբր մարտական հերթապահություն է իրականացնում, ու եկել էր առաջնագիծ՝ ադրբեջանցիներ սպանելու համար, հայտնում են ադրբեջանական ԶԼՄ-ները
Հունիսի 21-ին ադրբեջանական ԶԼՄ-ները հայտարարեցին, որ հայկական ԶՈւ դիվերսիայի փորձ են կանխել՝ մեկ հոգու գերեվարելով: Հայկական կողմը հերքեց այս լուրը՝ այն որակելով որպես հակառակորդի հերթական ապատեղեկատվություն: Սակայն, միևնույն ժամանակ, սոցիալական ցանցերի ադրբեջանցի օգտատերերից մեկը հաղորդում է սահմանն անցած մոտ 50 տարեկան հայի մասին, որին «զինվորականները եկել տարել են»:

Опубликовано в Aurora News

Միանշանակ ապատեղեկատվություն է ադրբեջանական լրատվամիջոցի այն տեղեկատվությունը, որ հունիսի 20-ին հայկական կողմը դիվերսիա է իրականացրել: Այս մասին ասել է ՀՀ պաշտպանության նախարարության մամուլի խոսնակ Արծրուն Հովհաննիսյանը։

"Հայկական կողմը որևէ դիվերսիա չի իրականացրել և դա Ադրբեջանի հերթական ֆանտազիան է",-ասել է նա։
Արցախի Հանրապետության պաշտպանության բանակի մամուլի քարտուղար Սենոր Հասրաթյանն էլ հայտնել է, որ դա ադրբեջանական հերթական ապատեղեկատվությունն է:
"Արցախի Հանրապետության պաշտպանության նախարարությունը հայտարարում է, որ պաշտպանության բանակը նման բնույթի գործողություն չի իրականացրել: Ավելին, երբ հակառակորդին սանձելու համար իրականացվում են պատժիչ գործողություններ, դրանց հետևանքների ցավոտ լինելը իրենց երկար սպասեցնել չեն տալիս: Պարզապես նմանաբովանդակ հաղորդագրություն տարածելով, հակառակորդի զինուժը հերթական "հաղթանակն" է արձանագրել վիրտուալ տիրույթում և փորձել ցանկալին ներկայացնել իրականության փոխարեն", - ասվում է հաղորդագրությունում:
Նյութը՝ Tert.am-ից:

Опубликовано в Aurora News

Հունիսի 19-ին Facebook սոցիալական ցանցում որոշ հայ օգտատերեր տեղեկություն էին տարածել, որ հայկական կողմի պատժիչ գործողության արդյունքում գլխի ծանր վիրավորում է ստացել Ադրբեջանի ԶՈւ բրիգադներից մեկի հրամանատարի տեղակալ ոմն Նատիգ Ղուրբանովը:

Հունիսի 20-ին ադրբեջանական ԱՊԱ լրատվական գործակալությունը փոխանցել է այդ երկրի պաշտպանության նախարարության հերքումը, որն, իրականում ավելի շատ հաստատում է հայկական կողմի հայտնած լուրը.
«Տեղեկացնենք, որ հայկական կողմի պնդած պաշտոնում Նատիգ Ղուրբանով ազգանվամբ զինծառայող առհասարակ չի ծառայում»:
Այսպիսով Ադրբեջանի ՊՆ-ն հերքում է միայն Նատիգ Ղուրբանով անունով բրիգադի հրամանատարի տեղակալի գոյության փաստը: Այնուամենայնիվ չի հերքվում այդ կամ նման անունով կամ նման պաշտոն զբաղեցնող զինծառայողի ծանր վիրավորվելու փաստը:
Ամենայն հավանականությամբ կամ Նատիգ Ղուրբանով անվամբ զինծառայող է վիրավորվել, որը սակայն, այլ պաշտոն էր զբաղեցնում, կամ էլ բրիգադի հրամանատարի տեղակալ է ծանր վիրավորվել, որի անունը, սակայն, Նատիգ Ղուրբանով չէ:
Այսպիսով Ադրբեջանի ՊՆ «հերքումը», իրականում ավելացնում է սոցցանցերում տարածված լուրի հավաստիության աստիճանը:
Աղբյուրը՝ razm.info

Опубликовано в Aurora News

Լուրեր են տարածվել այն մասին, որ ադրբեջանական զինված ուժերն այս գիշեր դիվերսիայի փորձ են իրականացրել ՀՀ սահմանի ուղղությամբ:

MAMUL.am-ի թղթակցի հետ զրույցում ՀՀ ՊՆ մամուլի խոսնակ Արծրուն Հովհաննիսյանը տեղեկացրեց, որ դիվերսիոն փորձ չի եղել: «Դիվերսիոն փորձ չի եղել, իրականում այլ բան է եղել»: Ճշտող հարցին, թե ադ դեպքում ի՞նչ է եղել, Հովհաննիսյանն ասաց. «Նպատակահարմար չի այդ հարցով պաշտոնական պարզաբանում տալ, հատկապես, որ մենք ոչ վիրավոր ունենք, ոչ կորուստ»:

Опубликовано в Aurora News
Пятница, 26 мая 2017 13:58

Արցախում զինծառայող է զոհվել

Մայիսի 26-ին՝ ժամը 11:45-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում հակառակորդի կողմից արձակված կրակոցից մահացու վիրավորում է ստացել պայմանագրային զինծառայող Արմեն Ռաֆիկի Հարությունյանը (ծնվ. 1996թ.): Ինչպես տեղեկացնում է ԱՀ ՊՆ մամուլի ծառայությունը, դեպքի մանրամասները պարզելու համար կատարվում է քննություն: Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում զոհված զինծառայողի ընտանիքի անդամներին, հարազատներին և ծառայակիցներին:

Опубликовано в Aurora News

2018-2019 թվականներին Հայաստանը զինատեսակների նոր խմբաքանակ կստանա Ռուսաստանից, ինչը ներառում է և 200 մլն դոլար վարկային ծրագիրը, և ընթացիկ համագործակցությունը: Այս մասին այսօր լրագրողներին ասաց ՀՀ Պաշտպանության նախարարության պաշտպանական քաղաքականության վարչության պետ Լևոն Այվազյանը: Նա չմանրամասնեց, թե ինչ զինատեսակների մասին է խոսքը՝ հավելելով, որ միջպետական վարկի շրջանակներում ձեռք բերվող զինատեսակների ցանկն արդեն հրապարակվել է, այլ կարգի զինատեսակների մասին ձեռնպահ կմնա խոսել, դա գաղտնիք է:
ՊՆ պաշտոնյան պնդեց, որ Հայաստանը հատուկ գներով է Ռուսաստանից ձեռք բերում սպառազինությունը: Նրա խոսքով՝ Ռուսաստանի հետ Հայաստանն ունի հատուկ համաձայնագրեր, որոնք թույլ են տալիս ՌԴ հետ ռազմատեխնիկական ոլորտում համագործակցությունն իրականացնել հատուկ պայմաններով: “Դա ենթադրում է այն, որ սպառազինությունների ու ռազմական տեխնիկայի գնումների դեպքում մենք ՌԴ-ից կարողանում ենք դրանք ձեռք բերել Ռուսաստանի ներքին գներով, որոնք գործում են ՌԴ բանակի համար”,- հավելեց Այվազյանը: ՊՆ պաշտոնյան անդրադարձավ նաև ադրբեջանական կողմի տեղեկություններին, թե հայկական կողմն օրերս մարտական անօդաչու սարքեր է գործի դրել: “Անօդաչուներ նոր չէ, որ մենք կիրառում ենք, արդեն բավական երկար տարիներ կիրառում ենք: Ինչ վերաբերում է հարվածային անօդաչուներին, եկեք ես ձեռնպահ մնամ այդ հարցի պատասխանից, որովհետև դա գաղտնիություն է պարունակում”, - ասաց նա:

Опубликовано в Aurora News

Ադրբեջանի զինուժը վերջին օրերին արցախա-ադրբեջանական հակամարտ զորքերի շփման գծում միտումնավոր սրելով իրավիճակը և դիմելով տարբեր սադրանքների՝ այսօր անցել է բանականության մեջ չտեղավորվող գործողության:

Ինչպես տեղեկացնում են Արցախի ՊՆ-ից, ՊԲ առաջնագծում տեղադրված տեսադիտարկվող համակարգերն արձանագրել են, որ ժամը 12:15-12:19-ի և 13:32-13:36-ի սահմաններում շփման գծի Սեյսուլան-Յարըմջա հատվածում հակառակորդը, նախնական տվյալներով, 60 միլիմետրանոց ականանետերից կրակ է վարել իր իսկ դիրքերի ուղղությամբ, ինչի հետևանքով նշված հատվածներում տեղի են ունեցել պայթյուններ: Նշվածը ևս մեկ անգամ ապացուցում է, որ հակառակորդի ճամբարում կամ անձնակազմը չի տիրապետում իր մասնագիտական պարտականություններին, կամ բացակայում է ուղղահայաց կառավարումը և ցանկացած հրամանատար առաջնագծում իրեն թույլ է տալիս գործողություն իրականացնելու որոշում ընդունել կամ էլ հակառակ դեպքում նման ստոր քայլերով Ադրբեջանի ռազմաքաղաքական ղեկավարությունը հող է նախապատրաստում իր հետագա սադրանքների համար:
ԱՀ Պաշտպանության նախարարությունը տեղեկացնում է, որ օրվա ընթացքում հայկական կողմը հավատարիմ է մնացել հրադադարի պահպանման ռեժիմին և որևէ գործողություն, առավել ևս խոշոր տրամաչափի զինատեսակներից, չի իրականացրել:

Տեսագրությունը՝ The NKR Army Channel

Опубликовано в Aurora News

ՀՀ քննչական կոմիտեի ԶՔԳՎ 5-րդ կայազորային քննչական բաժնում հարուցվել է քրեական գործ՝ պայմանագրային զինծառայող Գրիշա Վարդանի Կարապետյանի մահվան դեպքի առթիվ: Այս մասին հայտնում են ՀՀ քննչական կոմիտեի լրատվական ծառայությունից։ Ավելի վաղ տեղեկացրել ենք, որ 2017 թվականի մայիսի 17-ին՝ ժամը 10:30-ի սահմաններում, ՀՀ ՊՆ N զորամասի պահպանության տեղամասի մարտական դիրքում մահացու հրազենային վիրավորում է ստացել պայմանագրային զինծառայող Գրիշա Վարդանի Կարապետյանը: Դեպքի վայրի զննությամբ, ձեռնարկված անհետաձգելի դատավարական գործողությունների արդյունքում ձեռք բերված նախնական տվյալների համաձայն՝ պայմանագրային զինծառայող Գրիշա Կարապետյանին հրազենային վնասվածքը պատճառվել է իր կողմից՝ իրեն ամրակցված ինքնաձիգով: ՀՀ ՔԿ ԶՔԳՎ 5-րդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին մասով: Ձեռնարկվում են անհրաժեշտ քննչական գործողություններ՝ դեպքի բազմակողմանի, լրիվ և օբյեկտիվ հետազոտումն ապահովելու ուղղությամբ, նշանակվել են փորձաքննություններ։

Опубликовано в Aurora News
Страница 1 из 7

О нас

Radio Aurora 100.7 FM Yerevan Armenia Aurora Visual Radio N1 in Armenia |  Радио Аврора 100.7 FM Ереван Армения Аврора Визуальное Радио N1 в Армении

Последние статьи

Контакты

  • Адрес: г. Ереван, улица Наири Зарьяна 22 a, этажи 7,9
  • Телефон: +37410 251007
  • Телефон: +37411 211007
  • Почта: г. Ереван, Армения 0051, улица Наири Зарьяна 22 a, этажи 7,9
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Mail: Этот адрес электронной почты защищён от спам-ботов. У вас должен быть включен JavaScript для просмотра.
  • Skype: radioaurora.studio